Guwahati, June 17: India-oni adita Scientist-rangni am·sandianio, Assam a·dokni Makum a·jao donggipa koila a·damo nikronggija fossil-ko nikna man·aha.
Ia sandie man·gipa sam bol bijakni bimang dakgipa fossil-ara bilsi 24 million mang ong·genkon ine chanchipenga aro ian Genus Nothopegia minggipa jatni ong·a jekon ia chasongo India a·songni Western Ghats-o nikna man·engkua.
Ia sandirikitaniko, Lucknow-o donggipa Birbal Sahni Institute of Palaeosciences (BSIP)-ni Scientist-rang dakdilaha. Ia dolrang ia fossil-ko name nianiko dakon ru·uta somoina salgro salaram jolo gimagimin Nothopegia jatoni ong·a jekon Western Ghats-ni diltugipa buringosan nikna man·aia ine u·iaha.
Ia sam bolrang salgro salaram jolrango ka·sinani gimin tangna man·ja indiba ding·gipa biaprangosa janggi tangna man·a jeni a·selan ru·uta bilsirangna skangan salgro salaram a·dokrango gimaaha aro ua somoirango salgro salaram jolrangoba ding·ani gimin ia sam bolrangko nikna man·achim ine Climate Leaf Analysis Multivariate Program (CLAMP) u·iatskaaha.
Iandake am·sandie nianirangchi, climate-ni dingtangroroani aro manderangni kamrangni a·sel ong·telaigipa sam bol aro gamrangko dingtangatna ama, uni gimin sam bolrangko, buring bolgrimrangko aro mingsinggipa biaprangko ripinge rakkina nangchongmotenga ine mikrakataniko on·enganiba ong·a.
Na·simang ia video-koba nina man·gen:
Na·simang iakoba poraina man·gen: USTM-ni chatri Assam-o man·gipa bibalrangoniko perfume-ko taria
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
