Guwahati, Nov 12: Bilsi gittamrangna skang Assam-ni Cachar a•jao bilsi sokkugijagipa demechikko til•ekdraenba an•o dongatanina Assam Police matnangako man•gipa mandeko rim•aha.
Police-rangni aganani gitade, ia obosta Cachar-ni Udharbond jolo 2022 bilsio ong•aha. Til•ekdraako man•gipa demechik, me•chik bi•sako an•pakaha aro ja•mano Child Helpline-ona re•ange aganeon, obosta ong•ani bilsi gni-mangni ja•mano uamang uko badi ka•na dakchakaha. Da•o ua me•chik bi•sa bilsi 16 ong•aha.
“Ia bilsini January ja-o ia obostani gimin me•chik bi•sa chingna aganaha, unon chinga badi ka•aha aro am•sandianiko a•bachengataha. Matnangako man•gipa mande re•anggipa ja 11-na kate chakaha aro uko Sombar walo rim•aha,” ine Udharbond Police Station-ni officer-in-charge Siimsing Timung aganangaha.
A•bachengo ia obostani bidingo a•sel ong•gipa biaponi km 18-mango donggipa Silchar-ni Rangirkhari Police Outpost-o badi ka•chengaha aro ja•mano apalbate am•sandianirangko dakangna Udharbond Police Station-ona ra•angskaaha ine Police-rang parakataha.
Ia complaint-o aro a•bachengo am•sandianirango pangchake, Protection of Children from Sexual Offences (POCSO) Act, 2012-ni Section 6-ni ning•ao, til•ekdraanina aro Indian Penal Code-ni (IPC) Section 376(3)-ni ning•ao badi ka•aha jeon bilsi 16-ni ning•ao ong•gipa me•chik bi•sako til•ekdraanina bilsi 20-na ba janggi tanga gimikna pattoko done sastiko on•a ine janapaha.
“Matnangako man•gipa kate chakengachim indiba chinga uko dontonggija sandiaha. On•gimin somoini gisepon chargesheet-ko segataha aro am•sandianirangko dakon chu•onga gitan sakkirangko man•aha,” ine sakgipin police official parakataha.
Uandake, matnangako man•gipa mandeko Mongolbar salo kachario mikkangpa•ate pattoko donataha. “Chinga am•sandianirangko dakangkuenga aro matnangako man•gipa mandeko sing•doanirangko dakna nangchongmotgen,” ine ua official agandapaha.
Ia bilsini January 18 tariko FIR-ko segatani gitade, me•chik bi•sa an•tangni pagipani uko noktangon pilnipil til•ekdraaniko janapaha aro iarangni gimin sanaba agangenchimode uni jonggipako so•otgen ine ka•mikkenataha ine ua aganaha.
Na·simang iakoba nina man·gen:
Na·simang iakoba poraina man·gen: Raja Raghuvanshi-ko so•otani bidingo kachari hearing-ko a•bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
