Shillong, Nov 11: Madhya Pradesh a•dokoni re•bagipa Raja Raghuvanshi-ko so•otani bidingo hearing dakaniko Mongolbar salo, Shillong songjinmani Additional Deputy Commissioner (Judicial) court-o a•bachengataha aro sakkirangko mesoke on•china gita kachari, sianggipa Raja-ni adatang Vipin Raghuvanshi-ko okamataha.
Special Public Prosecutor KC Gautam-ni aganani gitade, Raja Raghuvanshi-ko so•otanina matnanga man•gipa manderangni kosako Bharatiya Nyaya Sanhita (BNS)-ni dingtang dingtang section-rangni ning•o dos donga ine potahani gimin, sakkirangko see ra•na gita kachari a•bachengaha.
Ia court-ni changgipin hearing-ko re•baenggipa November 26 tariko dakna tik ka•e donangaha.
Raja Raghuvanshi-ko so•otanina kachari, re•anggipa October-ni 28 tarikon, Raja-ni jikgipa Sonam Raghuvanshi, Sonam-ni mikchagipa Raj Kushwaha aro Raja-ko so•otna tik ka•e rimbagipa Vishal Chauhan, Akash Rajput aro Anand Kurmi-ni kosako BNS-ni dingtang dingtang section-ni ning•o dos donggiparang ine parakahachim.
Da•o dipet matnanga man•gipa manderang pilakan an•tangtangko dosgri ine kachario mol•molskaaha.
Na·simang iakoba nina man·gen:
Na·simang iakoba poraina man·gen: Rongjeng-o ong•atanggipa Training program matchotanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
