Guwahati, Jan 9: Doctor ine dakmike kam ka·enggipa manderangko sandianirangko dakengon, mamung medical degree ba registration gri manderangko sanna-bananirangko dake uamangni an·seng-baljokanina kengnirangko ra·bagipa mande saksako Dhubri police rim·aha.
Matnangako man·gipa mande niam gri sagiparangko sanenga ine koborrangko man·ani ja·mano uko rim·aha. Iandakgipa sandianirangko dakaniara a·dok gimiko doctor ine dakmikgiparangko rim·na ine ong·a, aro batanggimin somoirango Assam-ni dingtang dingtang a·jarangoniko bang·a iandakgipa niam gri sanna-bananirangko dakgiparangko rim·aha.
Matnangako man·e rim·a man·gipa mandeara manderangko sanna-banna mamung poraia-skiani ba registration donggija manderangni janggirangko kal·e roenga ine Bristibar salo Dhubri police social media X-o segataha. Indake ong·anirangchi, sanna-banani cholrang dongbregijagipa biaprango, mongsongbate songrango, doctor ine dakmike manderangko togie sanenggiparang bang·enga ine mesoka.
Uandake, manderangna mikrakataniko on·na ine police-rang social media-o segataniko dakaha. “Nang·ni an·seng-baljokaniara kal·e roani ong·ja. Sanna-bananirangko dakna skang pangnan doctor-ni gimin namedake am·sandichengbo. Mikrake aro naljoke dongbo,” ine seenba uamang Chief Minister’s Office, Assam Police, aro dal·dalgipa official-rangko uano mingchapaha.
Iandakgipa niam gri ranta ka·anirang medical aro niamrangni ge·etanirangko manigijanisan ong·ija indiba sagiparangnaba namen kengniko ra·baa ine official-rang u·iataha. Ong·gija sabisiko potchipani, samrangko namedake jakkalgijani, aro namedake sangiparangna u·iatninggijanichi namen neng·nikgipa obostarangona sokata, aro basakobade, janggi gimaanionaba sokata.
“Doctor ine dakmikgipa manderang Assam-o bang·en donga, aro uamang licence gri kam ka·tokenga. Batanggimin salrango bang·a iandakgipa manderangko sandie man·aha aro sagiparangni janggirangna kengnirangko ra·baani gimin uamangko rim·aha. U·i-ma·sianirang aro cholrang dongjani a·sel, songrango donggipa manderang bang·a somoirangon doctor ine dakmikgipa manderangona sanna-banna re·angronga,” ine police saksa aganangaha.
Mamung skia-poraiani gri an·tangtangko doctor ine dakmikenggipa manderangni jakchi sanna-bananiko dakgenchimode, namatpilna man·gijagipa obostarangona sokgen ine doctor-rang changni chang mikrakatanirangko on·enba, manderangko u·ie ra·china mol·molaha aro iandakgiparangna rakbata niamrangko ra·gatna nanga ine aganaha.
Na·simang iakoba nina man·gen:
Na·simang iakoba poraina man·gen: Ru·uta salrangna gimaani ja·man M’laya-oni saksa mandeko Tamil Nadu-o man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
