Shillong, Jan 9: Khasi Students’ Union (KSU), Bengaluru Unit, East Jaintia Hills a·jani Lad Rymbai-oni ru·uta salrangna gimaenggipa Chaltbha Muksor-ko naljokan baksa nipilaha.
Muksor, January 2 tariko kam sandina inenba Bengaluru-ona re·angaha aro January 5 tariko, Tamil Nadu-o donggipa Jolarpettai Junction Railway Station-o nokdangni manderang baksa agangrikani ja·manan una ka·pilo man·jaha ine nokdangni manderang u·iataha.
KSU West Jaintia Hills Unit aro Muksor-ni nokdangni manderang iani bidingo KSU Bengaluru Unit-na u·iataha aro koborko man·soa bakan uamang Social media-o parakatenba am·sansianiko a·bachengataha.
Chaltbha Muksor-ko saknaa baksa nikaha aro Government Medical College and Hospital, Krishnagiri-o sanna bannaniko on·enga ine Krishnagiri Police Station-oni koborko on·ataha uni joljol uamang Krishnagiri-ona re·angaha ine KSU Bengaluru Unit-ni President Donboklang Nongphud aganaha.
Muksor, uni ja·ao saknaako man·aha aro una KSU Bengaluru Unit-ni ning·o sanna bannaniko on·enga. Unbaksana, Krishnagiri Police Station, Hospital Authority aro Muksor-ko am·sandianio dakchakgiparangko, KSU Bengaluru Unit mitelpilskaataha.
Na·simang iakoba nina man·gen:
Na·simang iakoba poraina man·gen: Assam Opposition, Electoral Roll Special Revision-ko dakanio ‘Vote Cha·oa’ ine matnange FIR ka·doa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
