Guwahati, Jan 9: Assam-ni Opposition dolrang, Electoral Roll Special Revision-ko dakanio ‘Vote Cha·oa’ ine matnangenba Dispur Police Station-o FIR ka·doangaha.
Election Commission baksa Bharatiya Janata Party (BJP) dol nangrimenba Special Revision-ko dakanio vote cha·oenga aro uamang kakketket pu·onenggipa manderangni bimungko Electoral Roll-oniko kimitgalskaenga ine Opposition dolrang matnangataha aro ian jakgitele jakkalna man·enggipa bilna kenchakani ong·enga ineba uamang janapataha.
Ia Special Revision-ko dakenganiko dondikatchina aro kraa bewalo Electoral Roll-ko nipiltaianiko dakchinaba uamang dabiangaha.
Congress dolni a·gipbibate dilgipa aro gitcham MP Ripun Bora, FIR ka·ani ja·man kobor ra·timgiparang baksa agangrikengon, ian chanchisamsoe ka·gipa kam ong·a ine aganaha.
Indake dal·a kam ko ka·genchimoba Election Commission-ni jrip dongani gimin uni kosakoba ja·ku de·china dabiaha ineba ua agandapaha.
Ia kamrangko dondikatjaode aro niam gita kraa bewalo Electoral Roll-ko nipiltaianiko dakjagenchimode BJP sorkarini kosako a·dok ge·antio jingjengatanggen ineba Bora mikrakataniko on·ataha.
Na·simang iakoba nina man·gen:
Na·simang iakoba poraina man·gen: ‘Vote Cha•ua’ ine matnanganiko Assam CM jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
