Guwahati, Jan 9: Assam a•doko Electoral Roll-rangko nipiltaina gita Special Revision ong•ataniko jegale opposition dolrangni FIR ka•ani ja•man, Bharatiya Janata Party (BJP) sorkariko ‘Vote Cha•ua’ ine matnanganiko Assam a•dokni Chief Minister Himanta Biswa Sarma jegalataha.
Iani bidingo kobor ra•timgiparang baksa agangrikengon, opposition dolrang, je gitaba badi ka•na bilrang dongaia indiba uamangni matnanganirangara kakket ong•ja ine Chief Minister aganaha.
‘Vote Cha•ua’ ine matnanganiko jegalatengon, voter list-ko da•o dipet name tarikuja ba chapa ka•kuja ine Election Commission-an aganmanaha indide vote cha•uani katta banoni ong•katenga ine Sarma sing•doataha.
Electoral roll-rangko Election Commission-ni dongimin niamrango pangchakesa nipiltaienga ineba Sarma aganaha.
Electoral roll-rangko nipilengmiting somoio BJP-ni dilgiparangsa ge•ettimenga ine matnanganina aganchakaniko on•angskaengon, party president-ni kaman party-na kam ka•enggipa manderangni kamko nirokani ong•ani gimin ge•etanikode on•aigen ine Assam Chief Minister aganaha.
Electoral roll-rangko gital dake nipiltaianide, gital bimingrangko name nipilna, ong•gijagipa bimingrangko den•galna aro watchanga man•enggipa voter-rangko segatna miksonge nipilanisa ong•enga ineba ua talataniko on•angaha.
Na·simang iakoba nina man·gen:
Na·simang iakoba poraina man·gen: Khliehriat-o drug palbadinggipa saksako heroin baksa rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
