Guwahati, May 9: India-ni Salgro Salaram jolo donggipa “Future Edge” ingipa political research aro consultancy firm ge·sa, 2021 bilsioni 2026 bilsiona Assam a·dok sorkarini minister-rangni kam ka·anirangko nina gita “Minister Report Card” ingipa gital series-ko a·bachengataha. Ia ja·ku de·anikora Assam-o gital BJP sorkariko riktaina skang a·bachengate on·angaha.
Ia report card-rangchi minister-rangni dingtang dingtang kamrang jekai—sorkarini pilak scheme-rangko chu·sokatani, biaprangko namdapatani, chamatgimin tangkarangko name jakkalani, manderangna namgniko on·gipa scheme-rang, manderang baksa agangrik-u·igrikani aro kamrangko parake aro rongtale dakanirangko name nianggen. Uamangni parakatani gitade, ia report card-rangko uamang sorkarini see rakkigimin ki·taprang, biapona re·ange sing·sandianirang, tangka chamgipa ki·taprang, policy-rangko poraie nie aro manderangni chanchianirango pangchake tarienga. Iandake kam ka·aniara sorkarini dingtang dingtang kamrangko name nina aro manderangna u·iate on·a gita dakchakgen ine uamang aganangaha.
Mikkangchiba uamang bilsiantian sorkarini kamrangko am·sandie report-rangko parakatna miksongenga.
2026 bilsini April jao a·bachengatgipa ia “Future Edge” dolara, Salgro Salaram jolni kobor ra·timgiparang, political-ni bidingo u·i-ma·sigiparang aro niamni bidingo am·sandigiparangni bakrimgimin dol ong·a.
National Agency-rang baksa tosusae nigenchim ong·ode, uamang iano donggipa manderangni obosta aro sason ka·ani gadangrangko name ma·sisokjani gimin ia dolko bikotaha ine uamang u·iataha.
Skanggipa report card-de Assam-ni Education Minister Ranoj Pegu-ni kamrangni gimin ong·gen. Indake gipin sorkari minister-rangni report card-rangkoba mikkangchi parakjoljolanggen.
Na·simang iakoba nina man·gen:
Na·simang iakoba poraina man·gen: Bilsi kolgrikni ja∙mano Royal Bengal Tiger D Ering Memorial Wildlife Sanctuary-ona re∙bapila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
