Williamnagar, May 9: Re∙anggipa March jao Garo Hills Autonomous District Council (GHADC) election-o gipin jatrangni bak ra∙aniko jegalgrimmiting somoio rim∙a man∙gipa chadamberangko watpilchina dabina ine Sukrobar East Garo Hills a∙jani Rongrenggre Government Higher Secondary School, Williamnagar-o jinmani tom∙bimonganiko ong∙atangaha. Ia tom∙bimonganio bang∙a dingtang dingtang dolrang, songni-nokni dilgiparang aro songdonggipa manderang re∙bae bak ra∙angaha. Indake ong∙genchimoba, Garo Students’ Union-ni (GSU) membor-rang bak ra∙ejahani a∙selo bang∙a sing∙doanirang aro matnanganirang nakatahani gimin, GSU Eastern Zone-ni President, Goera R Sangma, adita talate on∙anirangko dakangaha.

Uni aganani gitade, tom∙bimonganiko ong∙atdilgiparang GSU-ni membor-rangko tom∙bimonganiona re∙ange bak ra∙echina okamataha aro uamangba unona re∙anggen ine chanchie donahachim, indiba tom∙ani miksonganirang aro uandakgiparangni bidingo mamung chanchigrikani aro talatgrikanirangko dakchengna uamangko okamade dongjaha. Tom∙bimonganina tarisogimin program-oba GSU-ko jinmana agan-talatanirangko dakna donataha indiba iako uamangna ja∙manchakesa kobor on∙ataha. Uandake GSU-ni gisepo jajaani ong∙kataha aro maibakai obosta namgijanirangona ga∙akgenchimode uamang matnanganirangko man∙naba gnang ine uamango chanchiani ong∙kataha.

GSU pangnan an∙tangni dongimin niamrang aro pangchakanirango re∙a aro mamung saloba kattarangko sandichenggija aro u∙i-ma∙sichenggija kam ka∙ja ine president talataha. Unbaksana, tom∙bimonganiko ong∙atdilgiparangoni mitamrang pangnan GSU-ko chone ra∙na jotton ka∙ronga inenba, bang∙bata somoion an∙tangni chanchie ra∙bagimin kattarangko Public-ni namgninasa ine GSU-ko ra∙chakna draatronga indiba iani bidingo chanchirimna ine GSU office-ona uamangko okamatgenchimoba uamang re∙barongja ineba ua aganangaha. Unbaksana, GSU-ni ong∙atenggipa tom∙bimonganirangona basakoba badiaba dolrang sokbajagenchimode uamang ma∙sichakanio mande ra∙e sing∙sandianirangko dakrongja ine ua aganangaha.

Williamnagar Main Market-o ong∙gimin obostani bidingoba GSU-ni kosako dosiko galna jotton ka∙aha, aro uamangni dilgiparangko rim∙na jotton ka∙anirang dongachim ineba uamang ma∙siaha ine parakatenba, uamang pangnan namgnina aro tom∙tomaniko ra∙bana krenge ja∙kurangko de∙enga ine Sangma aganangaha.

8 tariko tom∙bimonganio, janapgimin obostao rim∙a man∙gimin saksni manderangni bidingoba GSU niamo pangchake kam ka∙engaha aro adita salrangna skangsan uamang Superintendent of Police, East Garo Hills, aro dingtang dingtang ukilrangko gronge agangrikanirangko dakangaha ineba ua aganangaha.

Uandake, GSU mikkangchiba mamung miksongani aro talatchengani gri kamrangko ka∙jawa aro uamangni miksonganirang apsangenchimosa kam ka∙ani bewalrangko nigrike bakrimanirangko dakanggen ine aganenba, pilakkon kakketko sandie ma∙sina jotton ka∙pachina mol∙molaniko on∙angaha.

Na·simang iakoba nina man·gen:

Na·simang iakoba poraina man·gen: Assam-o donggipa research firm ge·sa ‘Minister Report Card’ ingipa gital series-ko a·bachengataha

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub