Sivasagar, June 21: June 12 tarikoni Oil and Natural gas Corporation-ni (ONGC) Rudrasagar gas donchakgipani (RDS-147 A) sal-9 ong·pilaonaba amchakpilgija selaniko namatna dakchakna, USA-ni Cudd Well Control-oni sakgittam well control specialistrang Assam-ni Sivasagar-ona Sukrobar salo re·baaha.
US-ni manderangko okamataniara ONGC-ni bilongen nangchongmotgipa ja·ku de·ani ong·a. Ia a·sel ong·aniko namatna ONGC bang·en kamrangko ka·ahachim indiba gas selaniko dontongatna man·jaha. Obostarang namjani a·selo sepangjolo donggipa nokdang ge 350-rangni gita kate chake relief camprango dongna nangao ga·akaha.
US-oni re·bagipa expertrangna obostarangni gimin aro pilak jotton ka·giminrangni gimin talate on·aha, uandake uamang biapko nina re·angaha aro Sonibar pringoni kamrangko a·bachenggen,” ine ONGC-ni senior official kobor ra·timgiparangna u·iataha.
A·gilsak gimiko well control aro wa·al kimitani bidingo neng·nikbegipa obostarangko namatanina mingsinggipa Cudd Well Control-ni manderang a·sel ong·aniko re·ange namedake niena skang, ONGC-ni dal·batgipa officialrang baksa tom·e chanchirimanirangko dakaha. Uamangni nie poraie ra·anirango pangchake, gas selanirangko namatna ja·ku de·anirangko dakgen.
Ia gas selanian bang·a bilsirangni gisepo Assam a·doko bilongbatgipa ong·aha, aro uandake a·doko ONGC-ni mongsonggipa gas donchakgipa Rudrasagar oil field-ko dikdiksana dontongataniona sokaha.
Ia a·sel ong·anichi obosta ong·roroanirangko champengna, ONGC gas donchakaniko kuligipao ba·rarang ba kombolrangko chi sim·e pindapkam·erang donenga aro kontani kontana nirokenga. Officialrangni aganani gitade, re·anggipa adita salrangni gisepo gas donchakgipani pressure 2600 psi-oni 500 psi-ona tang·onaha.
Uandake, gas donchakgipaoni metre 50-100mang sepangoba balwa rang·sitna namainga ine ONGC-ni official aganaha.
Da·o ia gas donchakaniko name chipe donna kam ka·soanirangko dakengaha. Engineerrang pilak nanggijagipa bosturangko sepangjoloniko jitataha aro manderangna re·rurana aro kolrangko ra·rurana rama dingtangko tariaha.
Sivasagar-ni district administrationba kate chakna nanggipa manderangna dakchakna ONGC baksa bakrime kam ka·enga, aro relief camp-o donggipa manderangna pilak nanganirangko on·na jotton ka·enga ine Sivasagar-ni Deputy Commissioner Ayush Garg aganaha.
Na·simang ia video-koba nina man·gen:
Na·simang iakoba poraina man·gen: Manipur a·doko game ge·e cha·giparangko naljokatna chel·chakgipa dolrangko donata tik ka·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
