Imphal, June 21: Churachandpur a·jao me·chik saksako so·otani aro Bishnupur a·jao game cha·gipako guli goaniko knaa jaman, Manipur sorkari kenchakani donggipa biaprangona gama ge·aniko dakgiparangna naljokaniko on·a chel·chakgipa dolrangko watatna tik ka·angaha.
Police dolrangni aganani gitade, Churachandpur a·jao me·chikma saksako so·ota baksana Bishnupur a·jao, Meitei jatoni Phubala Awang Maning Leikai minggipa biapo donggipa Ningthoujam Biren Singh-ko mi a·palo kam ka·mitingko uni jakpongo u·ina man·gijagipa manderang Bristibar salo guli goe donangaha. Uko skanggipa Bishnupur District Hospital-ona rimangahachim, jamano nambata sana bananiko on·a gita uko Imphal-ni RIMS hospital-ona watataha.
Ia ong·a obosta jaman, police aro chel·chakgipa dolrang sambajolo donggipa biaprang jekai Langchingmanbi, Heichanglok aro Phubala songni saliramchipakniko am·sandianiko dakataha. Am·sandianiko dakmiting somoio uamangko u·ina man·gijagipa dolrangchi slai goako man·e uamangba warachakna gita slai gochakna nangao ga·akaha. Iani gisepon, rasong gnangbee ia gogrikanio darangba saknaako man·jaha.
Mikkangchi iandakgipa a·selrangko champengna aro game ge·e cha·giparangna uamangni kamrangko ka·mitingo naljokaniko on·a gita bang·bata chel·chakgipa dolrangko on·anggen ineba police officer saksa u·iataha. Iana agreba, re·anggipa June jani 15 tarikoba, Imphal East-o mi a·palni bidingo nanggrikani a·sel so·so jengjeng ong·aniko ra·baahachim, indiba jamano bang·bata police aro chel·chakgipa dolrangko watatani jaman ia so·so jengjeng ong·anirangko namatpilna gita man·aha.
Na·simang ia video-koba nina man·gen:
Na·simang iakoba poraina man·gen: Geological Survey of India (GSI) Arwah-Lumshynna Cave-o Yoga Day-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
