Shillong, June 21: Shillong-ni Geological Survey of India (GSI), International Yoga Day-ko East Khasi Hills a·jao donggipa Arwah-Lumshynna Cave-o maniangaha.
Ia manianiko “Yoga Sangam” ine katta bichongko done maniangaha jeon a·gipbi GSI officialrang, staff-rang aro songni manderangko man·chape gimik gimang sak 65 mang bak ra·angaha. Ia salko maniani somoio ka·singipa mikkarang waani gimin aro gurirang dinani a·sel biapko namen ka·sinatan baksa yoga-ko kal·na namgipa somoiko on·aha.
Ia Arwah-Lumshynna Cave ba rong·kolara namen nitogipa rong·kol ong·a jeon gamchatgipa gamrang baksa dingtang dingtang bimangni fossil-rang gnang aro napna apchangketgipa rama gnang. Ian Mawsmai Cave bateba dal·bata aro nape ninaba nambatgipa ong·a.
Indake ia salko manianio North Eastern Institute of Ayurveda & Homoeopathy (NEIAH)-ni expert-rang, Dr. Irene L. Khongshi, Dr. Persara Langtang, Dr. Sojak Chakma aro Dr. Saveio, Yoga-ni bidingo skie on·anio dilaha.
Apsandaken GSI Shillong Office campus-oba “Yoga Sangam” ine katta bichongko donenba maniangaha aro ia manianio sak 48 mangni gita bak ra·angaha. Indake uni joljol, GSI-NER-ni chemist Aruna Sharma skie on·aniko dakdilangaha aro unbaksana Yoga Boot Camp-ko ong·atanio bang·an bak ra·e Yoga kal·angaha.
Ia Yoga Sangam-ko dakanichi, an·tangtangko an·sengbaljoke rakkian baksa samtangtango ong·telaigiparang baksa nangrimaniko gisik ra·atpilani ong·a.
Na·simang ia video-koba nina man·gen:
Na·simang iakoba poraina man·gen: Indian Army AP-o International Yoga Day-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
