Itanagar, June 21: Arunachal Pradesh-ni ning·tuao donggipa Himalaya-ni Salaram-ni nitogipa Tuting Sector-o, Indian Army saksa sakgipin baksa nangrimani, gisik nangani aro chu·gimik an·seng-baljokaniko mesokna International Yoga Day-ko June 21 tariko maniaha.
Uandake uamang suri gnanggipa a·brirang, burung diltugiparang, aro ka·singipa Siang Chibima-ni sambao Yoga asanarangko aro rang·sitna ranta ka·anirangko dake gisikni aro be·enni an·seng-baljokanina an·tangtangko on·kange, diltubatgipa aro a·songni sima ari-o donggipa manderangna bil-ko tarina, gisik nangatna aro be·enni nangrimaniko ra·bana Yoga-ni dakchakaniko mesokangaha.
“Yoga-ara be·enko ranta ka·anisan ong·aija indiba chingni kam ka·anirango gisikko bilakatna aro ka·sine chanchina dakchaka. Iandakgipa nitogipa aro ka·singipa biaprango Yoga-ko ranta ka·anichi chingni gisikko aro sipai kam ka·anikoba namdapata,” ine Sipai saksa aganaha.
Himalaya-ni suriraragipa biaprangoni, a·gisirangona aro chi rikamrangona, Indian Army uamangni salanti ranta ka·anirango aro tarisamsoanio Yoga-ko pangnan dakronga.
Na·simang ia video-koba nina man·gen:
Na·simang iakoba poraina man·gen: Skanggipa changna Inter-Mahari Basketball Tournament-ko Turao a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
