Shillong, Apr 21: Assam a•doko gital sorkariko rikahaon, Assam aro Meghalaya a•dokni gisepo meligrikna man•jaenggipa simarangni bidingo agangrikaniko a•bachengtaigen ine Mongolbar salo, Meghalaya a•dokni Deputy Chief Minister aro West Jaintia Hills Regional Committee-ni chairman Sniawbhalang Dhar parakataha.
Dhar-ni kobor ra•timgiparangna aganani gitade, a•dok damgnini gisepo meligrikna man•jaenggipa simarangni bidingo agangrikaniko dakangkugen aro Assam a•doko gital sorkariko rikani ja•man a•dok damgnini dilgiparang, agangrikaniko a•bachengpiltaigen.
Da•o changgipin tom•aniode a•dok damgnini dilgiparang, Assam a•dokni regional committee-rangko songani bidingo chanchigen ineba Dhar aganaha.
Assam-o gital sorkariko rikkujaengani gimin regional committee-rangko dilnagipa manderangko ma•sikujaenga ine janapatengon, Assam-o gital sorkariko rikani ja•mansa regional committee-rangko songgen aro uni ja•mansa a•dok damgnini gisepo agangrikaniko a•bachengpiltaina man•gen ine a•dokni Deputy Chief Minister aro West Jaintia Hills Regional Committee-ni chairman parakataha.
A•dok damgnini gisepo meligrikgijanirangko 2028 bilsini Meghalaya Assembly election-na skangde namatna man•genma ine sing•anina aganchakaniko on•angengon, ia kamna da•o dipet somoirangko tik ka•a dongkuja ine Dhar aganaha.
Na·simang iakoba nina man·gen:
Na·simang iakoba poraina man·gen: Boko-ni chang 114-gipa Suwari Festival-ko an·saobee manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
