Mankachar, Jun 16: Mongolbar salo Assam a·dokni South Salmara-Mankachar a·jao donggipa Sukchar Police Station-ni dolsa sipairang, Takimari Ghat jolrangoniko am·sandienba, mande sakgniko rim·na man·aha aro ia manderangoniko pekatna jakkalgipa samrangko bang·en man·aha.
Pekatgipa samrangko badingsrukani bidingo koborko man·soa bakan Inspector JS Khobung, SI Robindra Barman aro gipin sipairang baksa, Mongolbar salpaksa 1:00 bajimango, Takimari Ghat jolrangoniko am·sandina a·bachengataha aro uano chanchichipna kragipa mande sakgniko rim·enba, uamangoniko gram 541 ong·gipa rong 738 Nitrazepam tablet baksana gram 20 ong·gipa rong 184 Yaba tablet-rangko man·aha. Ia manderangoniko mobile phone ge·gni aro samrangko dongnuna jakkalgipa plastic bag-koba police dol rim·aha.
Rim·a man·gipa manderangara, Meghalaya a·dokni Phulbari police station ning·o donggipa Gashbari songoni bilsi 44 ong·gipa Abdul Karim aro apsan biaponin bilsi 33 ong·gipa Monowar Hussain ong·a.
Ia samrangko ia manderang, Meghalaya a·dokoniko ra·angenba, Assam-o palna miksongengachim ine police officer-rang parakataha.
Na·simang iakoba nina man·gen:
Na·simang iakoba poraina man·gen: DoNER-ni ming 17 project-rangko ‘a·bachengchipkuja’ ine mitam songbadrango seaniko sorkari jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
