Shillong, Jun 16: Development of North Eastern Region (DoNER) Ministry-ni ming 17 project-rangko ‘a·bachengna man·chipkujaenga’ ine mitam songbadrango seaniko Meghalaya sorkari jegalatenba, ian Ministry-ni report-o miksonganiko chu·gimik talatgija, ‘katta mingsakosan’ seachi manderangna ma·sisretaniko ra·baani gita ong·aha ine talataniko on·angaha.
Iani bidingo talataniko on·atengon, ia 2026 bilsini May jao DoNER Ministry-ni monitoring snapshot-o ‘0% physical progress’ inede janapani gnang indiba mitam songbadrango iako, ia apsan report-o seanirangkode chu·gimik talatani gri, ‘kamrangko a·bachengchipkuja’ inesan janapaiaha aro iani a·sel manderangni gisepo, sorkarini kamrangko ma·sisretani ong·kataha ine Mongolbar salo a·dok sorkari parakataha.
A·dok sorkarioni talataniko on·atani gitade, DoNER Ministry-ni ia apsan report-on, Meghalaya-ni project-rangko name matchotatenga ine janapani dongachim.
“Nipiltaigipa ming 81 kamrangoni, 57 percent-ni gitade kamrang matchotmanaha ba bon·kamgipa gadango ong·enga. Gong crore 200.92-na batgipa ming 14 project-rangde bimangrang matchotmanaha aro gipin ming 32 project-rangba 75%-oni 100% matchotaha. Iano pangchakesa DoNER Ministry-ni report-o Meghalaya a·dokko ‘kamrangko ka·anio salgro salaram jolo nambatsranggiparangoni damsa’ ine parakaha indiba iakode mitam songbadrang janapskajaha,” ine a·dok sorkari parakataha.
‘0% physical progress’ ine monitoring report-o janapgipani gimin talataniko on·angskaengon, ian kam chu·sokgijaniko miksonga ong·ja indiba snapshot ba photo ka·e ra·engmiting somoio kam a·bachengkugijakosa miksonga ine a·dok sorkari parakataha.
‘Zero percent’ ine segipa ming 17 project-rangoni ming 11-kode a·dok sorkarirang jako ra·enga aro ia kamrangna da·o tender-ko on·engani gimin ia bilsini June aro July jani gisepon work order-rangko on·na ka·dongenga ineba a·dok sorkari parakataha. Gipin ming 6 project-rangkode DoNER Ministry-onin NESAC, NECTAR, IICA aro NPCCL gita dakgipa central agency-rangna on·ahani gimin ia kamrangde a·doko nangeja ineba a·dok sorkari talataniko on·angaha.
Na·simang iakoba nina man·gen:
Na·simang iakoba poraina man·gen: Agartala-o 2-gipa changna ong•atengipa Reverse Buyer-Seller Meet 2026-ko a•bachengate on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
