Guwahati, Feb 2: Assam-ni Skotong Minister Himanta Biswa Sarma, a•dokni silroro namroroani project-rangna pangchakani ro•ongko, February jani 4 tariko, a•songni Prime Minister Narendra Modi, Assam-o songe on•angan baksa, gong crore 11,000-ni project-rangko oprake on•anggen ine parakataha.
Kobor ra•timgiparang baksa agangrikengon, PM Narendra Modi, February jani 3 tariko Guwahati-ona sokbagen aro BJP-ni Committee baksa tom•bimonganiko dakanggen. Indake February jani 4 tariko, Guwahati-ni Khanaparao tom•aniko dakanio, ua jinmana aganprakanggen aro ia tom•ani somoion, ua pangchakani ro•ongko songe on•angan baksa gong crore 11,000-ni songsalni namgnina on•enggipa kamrangkoba oprake on•angjolgen inenba a•dokni Skotong Minister Himanta Biswa Sarma aganaha.
Ia project-rangoni, a•dokni tourism-ko tang•doatna gita Maa Kamakhya Corridor-ni pangchakani ro•ongko, PM Modi songe on•anggen aro una agreba, FIFA kal•susaaniko Nehru Stadium-o sokachakna gita, India-ni salaram jolni bakrango dal•batsranggipa kal•chakram biapko ong•atna gita ia stadium-ko apaldapatgen aro National Games-ko a•doko sokachaknasiengon, Chandrapur-o bang•a kal•chakram biaprangko tarisamsoaniko dakgen ineba ua aganaha.
India a•songni salaram jolo, GMCH-an dal•batsranggipa medical complex ong•gen aro hospitalni namroro silroroanina dingtang dingtang project-rangkoba PM Modi songe on•anggen ineba Sarma aganangaha.
Unbaksana, Khanaparao PM Modi-ni programme-ko ong•atanio, manderangko didiani gita 5000 Lakhpati Baidos-ko ra•nabanasienga ineba ua agandapataha.
Iakoba poraie nina man·gen: Padma Shri upatti-ko man•gipa Doctor sakgni USTM-o bakrima
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
