Guwahati, June 15: Adita salrangna skang, Assam a·dokni Dhubri a·jao dingtang dingtang jatrangni gisepo dinggrikanirang ong·katahani gimin ‘shoot at sight’ ba nikarian goe galchina gita Assam a·dokni Chief Minister Himanta Biswa Sarma-ni ge·etaniko on·ahanina AIUDF-ni MLA Rafikul Islam raken jegalataha.
Iani bidingo, Guwahati songjinmao donggipa AIUDF-ni headquarter-o kobor ra·timgipa manderang baksa agangrikengon, jatgnini gisepo so·sojengjeng ong·engon, iandake nikari goe galchina ge·etaniara jatgipinko so·otchina ge·etaniko on·anisa ong·aha ine Islam aganaha.
Assam-o Hindu, Muslim, Sikh, Buddhist, Christian aro dingtang dingtang toromrangni apsan meli nangrime songdong a·chaanikosa uamang nangnika ine janapatengon, adita salrangna skang Eid maniani somoio ong·gija dakgipa manderangni kragija kamrangko ka·ahani a·selsa dolgnini gisepo dinggrikanirang ong·kataha indiba ia a·selko Assam-ni Chief Minister name am·sandichenggija, jat gimikkosa so·ote galna miksongani ong·katskaaha ine AIUDF MLA matnangataha.
Iandakgipa ge·etanirangko on·na skang Assam sorkari, iani bidingo name am·sandiatchengna nangchongmotachim ineba Islam aganaha.
Manipur-oba apsan daken dingtang dingtang jatrangni gisepo so·sojengjeng ong·nirangko nikna man·ahaoba, iandakgipa ge·etanirangko on·na man·jahani giminba ua Assam-ni Chief Minister-ko matnangataha.
“Manipur-ode iana baten so·sojengjeng ong·aniko nikna man·aha indiba Chief Minister, iandake ‘shoot at sight’ ba nikarian goe galchina ge·etaniko on·na pa·jaha. Dhubri-ode dolgnini gisepo dinggrikani indakgipa obostaonaba sokjachim indiba jatgipinko so·ote galna miksonge ua ia ge·etaniko on·aha,” ine Islam aganaha.
Assam sorkarini ia ge·etaniko on·anio chakpaaniko on·ahani gimin ua, Congress dolni MP Pradyut Bordoloi-koba matnangataha.
Na·simang ia video-koba nina man·gen:
Na·simang iakoba poraina man·gen: Jaboldamko chipani a•sel Nongpoh jolgimik neng•nikaniko man•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
