Shillong, Feb 23: Ribhoi a•jani Umtyrnga minggipa songni ro•ong chikkrimgipa ba stone crusher oniko niam gri rong•terangko Assamona salruraenggipa garirangko Ribhoi District administration rim•e donaha. Uamangni badi ka•ani gitade, ia rong•te salturagipa garirango nangchongmotgipa lekka-pancharangba dongjachim aro sorkarini dongimin niamni kosako ong•gija dakrongengachim.Adita songni manderangni u•iatani gitade ia garirangara walni somaiosa tol•gipa registration number-rangko tape salrongengachim, salni somaiode ia apsan garirangkon ro•ong bikotchakram biapo donskaachim.

Unigimin ia kamko dontongna aro niam gri ro•ong bikotanieangko bon•atna sorkari gisik nange kam ka•angna nanga ine iako u•iatgipa songni manderang aganangaha.