Shillong, Feb 19: Meghalaya Assembly-ni Speaker Thomas A. Sangma, VPP-ni MLA Brightstarwell Marbaniang-ko Mynsngat-Thangsko-o koela a·kol bretani case-ara court-on ong·engani gimin ia case-ni bidingo janapaniko champengataha.
Iani gisepon, Assembly-na department-ni gita ia case-ni bidingo u·iatmanaha baksana Advocate General-ba an·tangni ku·pattianiko on·atahani gimin, Assembly-o iani bidingo agan-golpogrikaniko dakna man·jawa ineba ua agandapangkuaha.
Batanggimin somoioba, Mawlai-ni MLA Marbaniang, February jani 6 tariko East Jaintia Hills-o koela a·kol bretanio sak 18 kam ka·e cha·giparangni siani bidingo sing·doaniko dakna jotton ka·ahachim. Uni ia sing·doaniko dakaniara politics-ni gita ong·ja indiba ian duko ga·akgipa nokdangni manderangna aganchakaniko aro kakket bichalko ka·e on·a miksonganiosa ong·a ine ua aganangaha. Indake ong·engon, a·dok sorkarini niamgri koela bikotaniko champengna man·gijaniko agan-golpoaniara court-ni kamo maming man·dikatani ong·jawa ine aganengon, jera ra·grikaniko champengna gita ‘sub judice’ ingipa kattarangko jakkalaniara Assembly-o nangchongmotgipa neng·nikanirangko jripata ong·enga ineba ua mikrakataniko on·ataha.
Na·simang iakoba nina man·gen:
Na·simang iakoba poraina man·gen: Shillong Western Bypass-ni a·arangna 96% mangni gita tangka paisarangko gamanaha : Prestone Tynsong
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
