35.6 C
Tura

Ayodhya-o Ram Mandir-ko PM Modi nokdonggae on•anga

Must read

New Delhi, Jan 22: Hindurangni dal•begipa olakkiram Ram Mandir-ko Sombar salo, a•songni Prime Minister Narendra Modi, Uttar Pradesh a•dokni Ayodhya songjinmao nokdonggae on•angaha.

Ia Ram Mandir-ko nokdonggae on•anganio PM Modi, Hindu toromni dilgiparang aro Rashtriya Swayamsevak Sangh (RSS)-ni dilgipa Mohan Bhagwat baksa Hindurangni bebera•anio pangchake, olakkianiko dakangaha.

Ia Ram Mandir-ko nokdonggae on•anio dongpana gita a•songni mingsinggipa film star-rang aro cricketer-rangba Ayodhya-o tom•chimongtokaha.

Advertisement

Ia Ram Mandir-ko nokdonggae on•angani ja•man PM Modi, jinmana aganprakatengon, ia sal a•songo gisik ra•beani sal ong•gnok maina indita bilsirangna tikkelani ja•man da•o bon•kame India a•songo ia dal•begipa Ram Mandir-ko nokdonggana man•aha ine parakataha.

Ia Ayodhya Ram Mandir-ko rikgipa manderangko mittelpilani chin gita PM Modi, dingtangmancha pul bibalrangkoba satdapaha.

Ia Ram Mandir-ko manderangni aro dingtang dingtang dolrangni on•gilanichi 217 billion dollar koros ong•e rikahachim indiba da•o dipet ia olakkiram nokni ka•mabatgipa gadangkosan nokdonggaengkua aro gipin gadangrangkode ia bilsini bon•angachibarasa matchotna ka•dongenga.

Ayodhya songjinmao ia dal•begipa Ram Mandir ba mite nokko nokdonggaanina a•song gimikon Hindu bebera•giparang kusi ong•e re•jomanirangko ong•atangaha aro uandaken Garo Hills-oba Tura, Garobadha aro uandakgipa dingtang dingtang biaprango Hindu bebera•giparangni kusi ong•e re•jomanirangko nikangna man•aha.

Iakoba poraie nina man·gen: Indo-Myanmar sima-ariko guare kana gita ku•rachakaniko on•atahanina, PM Modi aro Home Minister Shah-ko, Manipur CM mitelpilskaaniko dakata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

More articles

-->
-->

Latest article