Imphal, Jan 22: Robibar salo, Manipur a•dokni Skotong Minister N. Biren Singh, Union Home Minister Amit Shah-ni Indo-Myanmar sima-ariko guare kana gita parakatanina aro a•song damgnini gisepo Free Movement Regime (FRM) ba visa aro passport gri a•song damgnini gisepo re•ruragrikaniko champengatahanina, mitelpilskaaniko dakataha.

Imphal songjinmao, uamangni a•dokko jakgitele man•ani salko maniani somoio jinmana aganprakengon, India-Myanmar aro Manipur a•dokni sima-ariko 398-km mangni gita guare-ko ka•na tik ka•ahanina aro FMR-ko ra•galahanina, a•songni Prime Minister Narendra Modi-koba, Manipur CM mitelpilskaaniko dakangaha.

Indake, India-Myanmar sima-ario guarerangko kajani a•selo, sepangjolo dongenggipa Arunachal Pradesh, Manipur, Nagaland, aro Mizoram a•dokrangna, maiba kenbeani ong•naba gnang ine niksamsoenba, pilak sima-arirangko guare kana tik ka•angaha aro FMR ba sima-ari sepangjolo donggipa manderangni visa ba passport gri a•song damgnini gisepo re•ruraaniko, Union Government-ni gita champengatanikoba dakataha.

Sonibar salo, Assam Police-ni sak 2,551 commando-rangni Guwahati-o parade-ko kal•engmitingo aganprakengon, India-Myanmar sima-ari baksana Indo-Bangladesh sima-arirangkoba guare kana gita ma•mong sorkari tik ka•manaha aro unbaksana, Myanmar aro India a•songrangni gisepo jakgitele re•ruràana man•engani giminba nipiltaianiko dakna tik ka•aha inenba, Union Home Minister, Amit Shah aganaha.

Iakoba poraie nina man·gen: Assam CM-ni nokdangni bading chiwalani kosako am•sandianiko dakchina gita Assam Congress, CBI-ko okama

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub