Shillong, 13th Sept 2023: A•song gimiko Aayushman Bhava Campaign-ko, India a•songni President Draupadi Murmu -ni a•bachengatengon, Meghalaya-oba, Health Minister, Ampareen Lyngdoh aro Health Department -ni gipin senior official rangni dongpaanio, A•dokni skotong Minister Conrad K Sangma, ia campaign -ko State Convention Centre -o da•alo a•bachengatanio bakko ra•angaha.
Ia tom•anio, sorkarini gita an•sengbaljokani namgnina cholrangko on•jagenchimode a•doko silroro namroroaniko ra•baani maming namgni dongjawa. Uni gimin dingtang dingtang gadangrango aro a•jarango, an•sengbaljokanio, skia pora man•anio aro ge•e game cha•anio chu•gimik man•gope silroro namroroaniko ra•bana inenba sorkari ni gita tarisamsoanirangko dakenga ine a•dokni skotong minister Conrad K Sangma aganangaha.
An•sengbaljokaniko ra•baani sorkarini dakna nanggnisan ong•aija indiba namgipa an•sengbaljokaniko noktango, songsalo aro a•jatango an•chingni ranta ka•anian aba•chengani ong•a uni gimin a•doko songdong a•chaenggipa sakantian a•doktangko rongtal an•tale rakkianio jak on•pana nangchongmota aro sakantian jak on•pajaode pilak tarisamsoanirang chu•sokna gita man•jawa ine Sangma aganangaha.
VHC ge•antinan, tangka gong hajal 20,000-ko dingtang dingtang nanganina kam ka•anina on•anggen aro VHC-ni gita dingtanganiko ra•bana ka•dongsoenga ine ua parakataha.
Unbaksana, bang•a neng•nikanirangko health sector -o chagronga jekai, sub-centre, CHC, PHC rangko taridapani aro hospital rango chi, bijoli rang komiani, sam rangko ra•bae on•anio nengnikani aro uandake dingtang dingtang nanganirangko on•anio komianiko nikna gita man•a, uarangko namdapatna gita sorkarini gita krenge kamko ka•enga ine ua aganangaha.
Indake ia tom•anio a•dokni skotong minister, Village Health Council-IEC Book-ko on•angaha, VHC App-ko register ka•e a•bachengate on•ngaha aro VHCrango, TB ba MHIS program rango name dakgiparangna award rangko on•angaha jeon ASHA rang, health worker rang aro VHC ni member rang bakko ra•epaaha.
Ayushman Bhava Campaign-ko, September Jani 17 tarikoni October Jani 02 tarikona Seva Pakhwara(Service Fortnight) ko ong•atani bidingoba talate on•angjolaha
Ayushman Bhava ian umbrella campaign ong•a jekon Ayushman Apke Dwar 3.0 ine mingaha, ian man•a kragipa beneficiary rangna Ayushman card ko suale on•a, Ab-HWC rango aro Community Health Centre rango Ayushman Mela ko ong•atna aro Ayushman Sabha, uan songantio an•sengbaljokani gimin aro schemerangni gimin u•ataniko ona•a miksongani ong•a.
Ia scheme sorkarini on•enggipa ong•a jeon India a•song gimiko namgipa aro kraa damo sanna bananiko dakna man•gen. Unbaksana indin tangka paisa nanggija bilonge sagipa mandeko sanna bananiko dakna man•gen, dongchakanirangko dakchakgen aro dingtang dingtang cholrangchi, tangka paisachi dakchakaniko on•gen.
Ia schemeni ning•o, India a•songo songdongenggipa sakantinan je gadangni mandeba jedakgipa sabisiko sana bananiko on•gen aro maibakai sana banani somoi tangka paisarangko gamna manjagenchimode ia scheme an dakchakaniko on•gen.
Saa ding•aoniko komiatna gita naljoke dongani ja•kurangko ja•rikchina aro namgipa an•seng baljoke dongani rantarangko dakchina aro cha•anirangko cha•china sorkari didiataha. Ia scheme bi•sarangko check up ka•ronganio aro tikka su•anirangoba dakchakaniko on•a.
Iakoba poraie nina man·gen: Gitcham bilsirang baksa tosusaode M’laya-o tom·tombataha: Lapang
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
