Shillong, Oct 30: Meghalaya-oni Accredited Social Health Activists (ASHAs)-ni kamko ka·enggiparang, uamangni jaanti man·gniko bariatchina dabianiko man·chape, dingtang dingtang dabianirangko chu·sokate on·china gita Meghalaya ASHA Workers’ Union (MASHAWU)-ni bimango kamtangtangko ka·gija jingjengataniko dakna gita a·bachengataha, uandake October 30 tarik, Sombar saloni a·bachenge re·baenggipa November 6 tarikona kingking noktangtango donge neng·takchina gita pilak ASHA ka·enggiparangko didiangaha.
MASHAWU, uamangni dingtang dingtang neng·nikanirangko u·iatna gita a·dokni Health minister Ma Ampareen Lyngdoh-ko Sombar salo gronganganio maming ku·rachakataniko on·a dongjahani gimin uamangni jengjengataniko dakna a·bachengataniko parakataha.
Unomiting, Union-ni adviser, Sony Kharjana koborna aganangengon, ASHA-rangni jaanti man·enggipa gong 2000 tangkarangko bariatani gimin aro MHIS ba minggipin scheme-rangchi indin sana-banani cholko on·anio uamangkoba bak man·atchina gita Health minister-na u·iataha ine talatanga baksana, basakobarang maming a·sel gri songni nokma baksa meligrikjana mangmangba mitam ASHA-rangko skatang kam ra·galani obostarang ong·enganiko minister-na u·iatjolanikoba Kharjana parakataha.
Indake ong·engon, ASHA ka·enggiparangna indin sana-banani cholko on·ani bidingo a·dokni health minister, Meghalaya Health Insurance Scheme (MHIS)-ni chu·gimik namgniko uamangnaba on·na gita iako jako ra·enggipa department baksa agangrikna gita uamangna ka·dongataniko on·an baksa, pilak nanggipa bostuni damrang tang·dorikrikenganiko nigrike ASHA-rangni man·gniko bariatna nangnikengani giminba minister uamangna ka·dongataniko on·angaha.
Minister-ko grongani somoio, ASHA-rangni man·gniko bariatani gimin uamangna maming ku·rachakataniko on·a dongjahaoba, ia mamlani bidingo a·dokni skotong minister Pa Conrad K Sangma baksa November 6 tariko agangrikna gita minister-ni uamangna ku·rachakataniko Kharjana parakataha.
Iakoba poraie nina man·gen: Sainik Welfare Directorate-ni website-ko CM opraka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
