Gangtok, Oct 30: Sikkim a·doko rang·san chi dal·bae rama jal·langrangko pe·angaoni jasa ja·man Gangtok-oni Namchi a·jaona manderang re·rurana man·na gita Namchi a·jani Sirwani-o donggipa Teesta State 6 Hydro Electricity Power Dam-ko dolong kabataha aro da·o ia dolongko manderang re·rurana man·na gita oprake on·aha.
Namchi-ni District Magistrate M Bharani Kumar-ni u·iatani gitade, re·anggipa October-ni 4 tariko rang·san chi dal·bae ia biaprangko bananganio, Sirwani-o donggipa LD Kazi dolongkoba chi man·angahachim aro uandaken Sikkim East District-oni South District-ona re·a doani cholrangko champengatahachim.
Indake ong·genchimoba, ia a·ja damgnini gisepo re·ruraani cholrangko on·na gita kamrangko October 4 tarikon a·bachengate sal 25-mangni ja·man ia Teesta dam-o dolongko rikna man·aha ine Kumar parakataha.
Ia dolongko manderang re·rurana man·na gita da·o oprake on·aha ine janapatengon, da·o dipet ia dolong gita chonkalgipa garirangkosan re·na on·engkua indiba ja·mano gipin garirangnaba cholrangko tarie on·gen ine District Magistrate parakataha.
Ia dolongko somoi gitasa kuliengani gimin somoiko ja·rikchina gitaba ua manderangko didiataha.
Iakoba poraie nina man·gen: KSU, rong·mesak bikotaniko jegaldilgipa Spility Lyngdoh-ni siani salko gisik ra·anga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
