Baghmara, Feb 16: Re•baenggipa February 27 tariko Meghalaya Legislative Assembly election-ko ong•atengani gimin a•songni on•gimin bilo pangchake dilgipako seokanio bak ra•na nangani bidingo aro nama bewalo dilgipako seokani bidingo manderangna agan-talate on•na gita SVEEP program-ko Baghmara Bazar-o ong•atangaha.
Ia SVEEP program-ko South Garo Hills a•jani District Election Office-ni gita ong•atangaha aro ia program-ko ong•atanio Baghmara-o donggipa Captain Williamson Memorial Govt College-ni NSS volunteer-rang, nama bewalo dilgipako seokani bidingo dakmesokangaha aro South Garo Hills a•jani SVEEP Icon sakgni, chong•motan Baghmara Pioneers Secondary School-ni Dimesa Ch Sangma aro Talitha Kumi Ch Sangma-ba dilgipako seokanio bak ra•china gita dakmesokachi manderangko didiangaha.
Ia program-ko ong•atanio South Garo Hills a•jani Deputy Commissioner S Awathi-ba dongpae jinmana aganprakangengon, re•baenggipa February-ni 27 tariko, pilakkon re•bae dilgipako seokanio bak ra•china gita didiangaha.
Bilsi 18 batgimin manderang, jemangan electoral roll-rango biming segatmanahachim, uamang pilakkon re•bae dilgipako seokanio bak ra•china Awasthi didiangaha.
