Tura, Jun 15: West garo hills a•jani Balachanda-Rajabala jolo songdongenggipa manderang, nokmarang aro songko nokko nirokgiparang, Selsella-ni MePDCL official-rangna jolo bijoliko name man•jaenganina low voltage (bijoli bilake teng•jaenganina) aro biljoli bill-rang bang•e sokenganina lekka sedoataha.
Balachanda, Rajabala, Hallidayganj aro uni sepang jolo songdongenggipa manderang biljolina namen neng•nikanirangko man•enga ine ua jolrango songdongenggipa manderang agnangenba, bijolini salo chang 30-rang sienganichi manderangni salati janggitanganio, bading chiwale, game ge•e cha•anirango aro manderangna nanga kamrangko ka•e on•anirango neng•nikanirangko man•atenga ine uamang agandapangaha.
5,000 kVA feeder transformer-oniko ge 140 transformer-rangna sualenggipa onikosa chingna biljoliko watengani a•sel transformer overload ong•enba, biljoli ru•uta somoirangna siengnaba gnang, ine an•tangtangni chanchichipengani gimin uamangni lekka seatgipao janapangaha.
Apsan dake 5,000 kVA feeder transformer-oniko ge 65 transformer-rangna sualskagipaoniko bijoli man•engipa Namabilla, Haripur aro Bhaitbari-o songdongengipa manderang de maming neng•nikanirangko man•ja, ine uamang janapangenba ta•raken ia obostako nirokchina aganangaha.
Uamang adita jarangoni bijolina neng•nikanirangko man•engani gimin badi ka•anirangko knachakjanina uamang an•tangtangni ka•o nangengani giminba parakangaha.
Uamangni on•angipa (memorandum) lekkao Sai Computers Limited, Phulbari Electrical Subdivision-ko nirokenggipa company-rangni kam ka•enganina jolni manderangni jajrengenganiko nikna gita man•enga. Unbaksana nangana bate bijolini bill-rang sokengani aro songni nokni dilgiparangna maming kobor-rangko on•gija fine-rangko sokatengani giminba ua jolo songdongengipa manderang matnangangaha.
Indake, joloni manderang, ia pilak man•enggipa neng•nikanirangko ta•raken nirokchina mol•molangaha.
Memorandum-o ba uamangni lekka sedoatgipao, authority-rangna sal 10-ni gisepo uamangni chagrongenggipa neng•nikanirangko olgrokatna, mai cholrangko bikotaha ba ja•ku de•ahani gimin agnachakchina somoi on•angaha uamangni on•gimin somoini gisepo, uamangni chagrongenggipa neng•neng•nikanirangko uamangni namatna man•jegenchimode uamang jingjengatanggen ine mikrakataniko on•angaha.
Na·simang iakoba nina man·gen:
Na·simang iakoba poraina man·gen: Nagaland-o tom•tomaniko rakkina, CNTC pilakkon apsan nangrime dongna ku•monganga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
