Kohima, June 15: Ao, Lotha, Sümi, aro Rengma tribe-rangni nangrimgimin council, Central Nagaland Tribes Council (CNTC), Nagaland a•dokni minister Kaito G. Aye-ko sombar salo grongangaha.
Uko grongani somoio, council-ni memborang, Nagaland a•dokni dal•roro silroroanina, tom•tomanina pilak jatrang apsan melie nangrime dongna nangchomotani gimin janapangaha. Uamang dingtang dingtang jatrangbaksa apsan meli nangrime ro•aniko bilakbatatna aro manderangni namgnina apsan nangrime kam ka•na man•nagita cholrangni gimin chanchirimangaha.
Unbaksana CNTC, songsalna namgniko ra•bana pilak jatrangni meli nangrime donganiko aro apsan nangrime kam ka•aniko nang•nikani giminba janapangaha.
A•doko tom•tomaniko rakkina council-rangni gisik nange kam ka•anina aro gipinrangnaba didianirangko on•anina Minister Aye, uamangko de•mitelangenba a•dok je neng•nikanirangko chagrogenchimoba, golpoachi u•iatna aro apsan nangrime kam ka•nagita nanga, ine agnangaha.
CNTC-rang Nagaland a•doko tom•tomaniko rakkina, apsan meli nangrime dongna gita gisik nange kam ka•angkugen, ine ua an•tangni ka•dongenganiko parakataha.
Na·simang iakoba nina man·gen:
Na·simang iakoba poraina man·gen: NEIINFRA Summit 2026-ko Union Minister Nitin Gadkari a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
