Shillong, Jun 15: Salgro salaram a·dokrango rama jal·lang, bading chiwalani, tourism aro economy-ni tang·doaniko mesokna gita salgnina ong·atenggipa North East India Infrastructure (NEIINFRA) Summit & Exhibition 2026-ko Sombar salo, Union Road Transport & Highways Minister Nitin Gadkari, a·bachengate on·angaha.
Ia summit-ko June-ni 15 aro 16 tarikrango, Shillong songjinmani Lariti International Centre for Performing Arts & Culture-o ong·atenga aro ia tom·bimonganio, a·song gimikni dilgiparang, karkanako chalaienggiparang, nokrangko rikgiparang aro dingtang dingtang dolrang bak ra·e, salgro salaram a·dokrango nokrangko rikani aro rama jal·langrangko tarianio man·enggipa cholrangni bidingo chanchirimenga.
Iana skang, Union Minister Nitin Gadkari-ko, Meghalaya a·dokni Chief Minister Conrad K Sangma aro Deputy Chief Minister Prestone Tynsong, Umroi Airport-o rimchaksoaha.
Ia NEIINFRA Summit-ko a·bachengatanio, Nagaland a·dokni Chief Minister Neiphiu Rio, dal·dalgipa sorkari official-rang aro dingtang dingtang company-rangni official-rangba bak ra·angtokaha.
Ia summit-ko a·bachengatanio bak ra·gipa dingtang dingtang dilgiparang, jinmana aganprakangengon, salgro salaram a·dokrangni Southeast Asia-ona India a·songni mongsonggipa cholguga ong·ani bidingo janapangenba, salgro salaram a·dokrango rama jal·lang, songjinmarangko apalbatatani, ong·telaigipa bilrangchi bijoliko jakkalani aro internet-rangko namdapatanio koros ka·dapna nangengani gimin aganangaha.
Ia summit ba tom·bimonganiko ong·atanichi, ian salgro salaramni damchet a·dokrango manderangni songre songgabataniko aro bostu salruraaniko altubatatna rama jal·langrangko tarienggipani bidingo chanchirimna namgipa chol ong·enga.
Ia summit-ko ong·atanio dingtang dingtang Industry ba karkanarangoni re·bagipa manderangba, re·a doani, tourism, jillarangko namdapatani, technology aro uandakgipa kamrango cholrangko nie, tangka paisarangko koros ka·gen ine ka·dongsoenga.
A·songni Act East Policy-chi ma·mong sorkari, salgro salaram a·dokrangko tang·doatna rake kamrangko ka·ahani gimin batanggimin bilsirango, rama jal·lang, airport-rang, rel ramarang aro simarango bading chiwalgrikani ramarangoba tang·dobataniko nikna man·engaha.
Na·simang iakoba nina man·gen:
Na·simang iakoba poraina man·gen: Tripura-o Youth Congress, sorkariko jegale jingjengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
