Agartala, Jun 15: Tripura a•doko tangka paisa jakkalsretani, ma•manti bosturangni dam tang•dodororoani, chadamberangna janggi tangani cholrang donggijani aro songsalo manderangni janggi tanganio neng•nikanirangko chagrongna nangtokenga ine matnangenba Sombar salo, Tripura Youth Congress, sorkarini kamrangko jegale, jinma re•jomaniko ong•atangaha.
Youth Congress membor-rangni jingjengatengmiting somoio jegalenggipa manderangko katatna police dol, chirangko satani ja•man aro gol•dikrangchi dokruruani ja•man, so•sojengjeng ong•anirang batroroangaha. Jingjengatanirangko dakdilahani gimin Tripura Police, Youth Congress-ni adita sak dilgiparangko rim•aha aro police-rangni chadrapengmitingo Congress-na kam ka•enggipa manderangoni saksa skoo mata bu•anirangkoba man•aha.
Ia jingjengataniko dakani bidingo Tripura Youth Congress-ni president Nilkamal Saha talataniko on•angengon, ia bilsini NEET porikkako segipa sak million 2.2 chatro chatrirang, neng•nikanirangko chagrongna nangtokahani giminsa da•alo uamang, BJP sorkarini kosako ia jingjengataniko dakna draatako man•aha ine parakataha.
National Testing Agency (NTA)-ni ong•atgipa NEET porikkao question paper-rang leak ong•ahani a•sel, India a•song gimikon chatro chatrirang neng•nikanirangko chagrongna nangtokaha ineba Saha aganaha.
Tripura-o bilsiantian ming 50,000 kamrangko nakatate on•na ku•rachakanikoba ma•mong aro a•dok sorkarirang chu•sokatchipjaengani a•sel chadamberang, kamgri ong•e dongna nangtokenga ineba ua aganaha.
An•tangtangna on•gimin bilo pangchake jingjengatenggipa chadamberangni kosako bilrangko jakkale police dol, champengna jotton ka•aha ineba Tripura Youth Congress-ni president matnangataha.
Na·simang iakoba nina man·gen:
Na·simang iakoba poraina man·gen: Tripura a·dok gimiko klas 9-o poraienggipa chatri-rangna bol 41,800 rengrengsilrangko suale on·anggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
