Tura, March 8: Garo Hills a•jani damsa mingsingbegipa biap Balpakram National Park-ni bimungko tape dongipa board-o segualaniko kakketgipa spelling-ko seskachina South Garo Hills a•jani ge•gni dolrang mol•molataha.
Balpakram National Park-ni Director-na sedoatgipa chittio,b Balpakram-ni palo Balpakhram ine sign board aro inaugurated monument-o seaha aro iandake gualanirangchi re•baenggipa chasongrango dilsretani ong•an baksana jatni aganritingbaengani, ja•rikbaenggipa dakbewalrangko aro ia park-ni itihas-ko gimaataona sokgen ine, Ku•riping Magazine-ni Editor Arcosh M Momin aro Garo Hills Wildlife Protection Society-ni Padot Sengkam N Sangma janapataha.
Una agreba, Balpakram-ni gimin A•chikkuchi seanirangoba gualanirang bang•en gnang chong•motan katta seanio raka-ko jakkaljaenga jean kattani miksonganiko mesokna nangchongmotgipa ong•a aro uandake raka totgija seanirangara miksonganirangko dingtangatna amgipa ong•a ineba uamang janapataha.
Balpakram-ni spelling-ko kakket ong•e sechina janapana agreba, gipin biaprang jekai Matchu Boldak, jeon ‘Nentakram’ ingipa katta ‘Neng•takram’ ong•skana nanggen aro Gitingni Chu•ring, jeon ‘Dotgittim’ ingipa kattani palo ‘Dotgittam’ ong•skana nanggen aro Goera Rong•jaleng-o ‘Rong•jsleng’ ingipa kattani palo ‘Rong•jaleng’ ong•na nangskao ga•akenga ineba uamang janapdapataha.
Balpakram National Park-ni chong•mot spelling-ko kakket ong•e mesokna aro u•iatna man•a gita segualgimin kattarangko ta•raken setaipilchina uamang authority-rangko didiataha.
Na·simang ia video-koba nina man·gen:
Na·simang iakoba poraina man·gen: World Bank, Meghalaya-ni Health Project-ni gita sana bananirangko namdapatanina rasong on•e agananga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
