Shillong, May 25: Sonibar attamo, Bangladesh a·songni mande saksako, una dakchake on·enggipa India a·songni mande sakgni baksa Seven Sisters Falls Viewpoint sambaoniko, Sohra-ni police-rang rim·na man·aha.
Police-rangni u·iatani gitade, Sonibar attamni 4:00 bajimango Sohra Police Station-ni sipairang, re·ruraenggipa garirangko nirokengmiting somoio AS-01AP 0928 Maruti A Star gari bolsako neng·takatna jotton ka·ahachim. Indake ong·genchimoba ia gari, police-rangni check gate-ko salprue katna jotton ka·aha indiba police-rang ia gariko rikenba, Seven Sisters Falls Viewpoint sambao rim·na man·aha.
Garini driver aro gario donggipa manderangko ja·mano Sohra police station-ona rim·ange sing·sandion, uamangoni saksade Bangladesh a·songni Pirojpur a·jao donggipa Tengra Khali Paderhat-oni bilsi 32 ong·gipa Robiul Islam ong·a ine ma·sina man·aha. Ia mande, Bangalore-o electrician-ni kamko ka·e da·o Bangladesh a·songona re·angna jotton ka·engachim ineba police-rang u·iataha.
Ia mande baksana uko Bangladesh a·songona watatna dakchake on·enggipa a·songtangni gipin mande sakgnikoba police-rang rim·aha aro uamangara, East Khasi Hills a·jao donggipa Ichamati-oni bilsi 32 ong·gipa Sujit Hajong aro bilsi 38 ong·gipa Ravi Singh ong·a.
Na·simang ia video-koba nina man·gen:
Na·simang iakoba poraina man·gen: NEHU Turao poraie chu·sokgipa mande A·chik chadamberangna didianiko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
