Ampati, May 15: South West Garo Hills a•jao Betasing dolong nosto ong•angengahani gimin ia dolong gita dal•dalgipa garirangni re•ruraaniko South West Garo Hills a•jani District Administration champengatchengaha.
Manderangna naljokaniko on•na gita South West Garo Hills a•jani District Magistrate Anendya Raajsshre, Bharatiya Suraksha Sanhita (BNSS) 2023-ni Section 163-ni ning•o, ia ge•etaniko on•ataha.
Official-rangni u•iatani gitade, Betasing dolongni nosto ong•roroangengako May-ni 14 tariko PWD-ni official-rang nikaha aro ian ia dolong gita re•ruraenggipa garirangna aro manderangna kenchakna nangani ong•enga ine nikenba, dal•dalgipa garirangni ia dolong gita re•ruraaniko champengatchengna tik ka•angaha.
Ia dolongko taripilkujaskal ia dolong gita bostu salgipa truck, bus, tanker, tipper, dumper aro gipin dal•dalgipa garirangni re•ruraaniko champengatchenga ine official-rang parakataha.
Indake ong•engon, dal•dalgipa garirangko, Betasing-oni Ishaguri-ona PMGSY rama gita re•ange, Garobadha-Mankachar rama gita Mirjumla-ona re•angenba, ja•mano Ampati-Mankachar rama gita Ampati-ona re•angchina official-rang u•iataniko on•angskaaha.
Ia dolong gita dal•dalgipa garirangni re•ruraaniko raken champengchina aro mongsonggipa rama bibrarango champenganirangko aro chinrangko donatchina gitaba South West Garo Hills a•jani District Magistrate, Superintendent of Police, District Transport Officer aro PWD (Roads)-ni Executive Engineer-na ge•etaniko on•ataha.
Ia niamko manijagenchimode rakgipa sastirangko man•gen ineba SWGH a•jani District Magistrate, mikrakataniko on•angaha.
Na·simang iakoba nina man·gen:
Na·simang iakoba poraina man·gen: Pasyih Toll Plaza-o Jaintia Hills-ni garirangoniko kajina ra•jana tik ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
