Shillong, May 15: Adita somoirangna skang mangmang jawilwat ge·sao, Pynter songni nokma Fullmoon Khongsdoh baksana Village Defence Party (VDP) member-rangni Pynursla sepango donggipa songni Dorbar Hall-o chadambe saksako doke so·otaniko nikna man·aha.
FIR segatani gitade, ia ong·a obosta chadambe saksako pekgipa ringaniko ra·angenga ine chanchichipa ja·man re·anggipa 2026 bilsini April 7 tariko ong·aha.
Koborrangko man·soani gitade, April jani 8 tariko VDP-ni member-rang ua chadambeni manggisiko bostao chipe ra·baaha aro uni pagipako sianggipana dakrongbewalo gita bon·kamgipa mande ra·aniko dakna on·gija uni manggisiko salgipino gope galataha.
Re·anggipa May jani 5 tariko Pynter songni sianggipa chadambeni pagipani, Sadar Police Station-o FIR segatani gitade, uni depantegipani mangsunduk-ko songni nokmaan chipketan baksana uamangni nokdangni manderangnade ia chadambeara bisi ringe siaha inesa aganaha.
Indake ong·engon, ua chadambeko doka satani jawilwat giproroa ja·mansa sianggipani pagipa uni depanteara bilongbee dok satani a·selsa siahakon ine chanchichipenba, FIR-ko segataha.
FIR ka·ani copy-rangko, ja·mano East Khasi Hills-ni Superintendent of Police aro Pynursla Police Station-ni Officer-in-Charge-naba on·ataha.
Na·simang iakoba nina man·gen:
Na·simang iakoba poraina man·gen: Betasing dolong gita dal•dalgipa garirangni re•ruraaniko champengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
