Shillong, Apr 24: Meghalaya a•doko skanggipa changna Shillong songjinmani Bethany Hospital-o Intra Cytoplasmic Sperm Injection (ICSI) aro Frozer Embryo Transfer-ko dakanichi bi•sa ba•atna man•aha.
Bilsi 10 batpile bi•sa man•gija dongenggipa jiksesana Bethany Hospital-o ICSI aro Frozen Embryo Transfer-ko dakanichi bi•sa ba•atna gita man•aha.
Ia ICSI-ara bitchri komigipa me•asarangna bi•sa ba•anio dakchakna gita 1992 bilsio a•bachengatgipa kol ong•a aro ian me•asani bitchriko, me•chikni bitchio biji su•e bi•sa ba•atna man•gipa chol ong•a.
Bi•sako ba•atanio kamko ka•anggipa doctor-rangara, Bethany Hospital-ni Obstetrician Dr Clarinda E Khongwar, Obstetrician Dr Rida P Nongrum aro Anaesthesioligist Dr Rebecca Fanai ong•a aro bi•sa ba•ani ja•man simsak nirokaniko on•gipa doctor-ara Paediatrician Dr Uma Ghosh ong•skaa.
Meghalaya a•doko iandake ICSI aro Frozen Embryo Transfer-ko dakanichi bi•sa ba•atanio chu•sokaniara bi•sa ba•anio neng•nikanirangko man•enggipa manderangna ka•donganiko ra•baani gita ong•aha.
Na·simang ia video-koba nina man·gen:
Na·simang iakoba poraina man·gen: Arunachal-ni damchet polling station-rango pu•onatpiltaia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
