Itanagar, Apr 24: Re•anggipa April-ni 19 tariko Lok Sabha aro Assembly election-ko apsan ong•atanio dinggrikanirangchi electronic voting machine (EVM)-rang nosto ka•ako man•ahani gimin Budbar salo, Arunachal Pradesh a•dokni damchet polling station-rango election-ko ong•atpiltaiaha.
April-ni 19 tariko ia damchet polling station-rango pu•onaniko den•galaha ine Robibar salo Election Commission parakatenba, Budbar salo pring 6:00 bajioni attam 2:00 bajiona manderangko pu•onatpiltaiaha.
Budbar salo pu•onpiltaigipa damchet polling station-ranga, Bameng Assembly constituency-ni Sario polling station, Nyapin Assembly constituency-ni Longte Loth, Nacho Assembly constituency-ni Kurung Kumey, Dingser, Bogiya Siyum, Jimbari, Lengti polling station-rang aro Rumong Assembly constituency-ni Bogne aro Molom polling station-rang ong•a.
April-ni 19 tariko Arunachal Pradesh-ni sak 60 donggipa Assembly-o sak 50 MLA-rangko seokna gita Assembly election-ko ong•atangahachim aro ia salo, gimik sak 8,92,694 voter-rangoni 76.44 percent pu•onahachim.
Arunachal Pradesh Assembly-ni dam 10 seat-rangkode susaani grian BJP cheangahachim.
Na·simang ia video-koba nina man·gen:
Na·simang iakoba poraina man·gen: EKH-o drae til•ekgipani video-ko gipatanina HITO jegala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
