Shillong, Apr 24: Khasi Students Union (KSU), West Khasi Hills a•jani ning•o dongenggipa chadamberangna nama bidako on•anio chu•gimikan namdapataniko nangengani gimin, Education Minister Rakkam A Sangma-ko nirokatpachina ine mol•molataha.
KSU Nongstoin Circle-ni Padot, Willbest Wanniang, Sangmana uamangni on•atgipa Memorandum-o janapani gitade, West Khasi Hills a•jani Nongstoin-ko 1976 bilsion headquarter songgenchimoba aro a•jarangni gisepo gitchambatsranggipa ong•genchimoba, lekka skia pora ra•engani a•bao namen jamanchakbeaniko nikengani gimin, a•jani chadamberangko didiani gita sorkari college-rangko rike on•china inenba mol•molataha.
Unbaksana, Nongstoin-ni Mawrusyiar-o rikenggipa Nongstoin Polytechnic college-ni pangchakaniko 2017 bilsion songe on•manahachim, indake ong•genchimoba, ia college-ko rika cho•ani kamrango da•alonaba chu•sokatgija galchipe donengaha. Nambata gadangni bidako on•a man•a gita, ia college-ko rikanio ta•rake matchotatenba oprake on•china ineba ua mol•molataha.
1976 bilsio a•bachengatgipa Sibsingh Memorial Govt. Higher Secondary School-oba, da•alona kingking arts aro science stream-rangsan dongaia, jeon, commerce stream-koba nangnikani ong•achim. Indake, kangal cholgri aro tangka paisani gita neng•nikaniko man•enggipa nokdangrangde sorkarini institution-rangkosa ka•dongbatengani gimin, chu•onga gita stream-rangko kulie on•china ineba ua janapataha.
Una agreba, Industrial Training Institute (ITI)-o dingtang dingtang gadangni janggi tangani cholrangko, dingtang dingtang trade-rang gita chadamberangna skie on•aniko dakenga jeon uamangna bang•a namgnirangko on•engachim. Indake ong•genchimoba, ITI Nongstoin-o, mingbri trade-rangsan dongaiani gimin, gipin gamchatgipa trade-rangkoba kulidape on•china aro District Institute of Education & Training (DIET)-oba, West Khasi Hills,, South West Khasi Hills aro Eastern West Khasi Hills a•jarangoniko chimonge sak 50 seat-ko mangmangsan on•engani gimin, namnamgipa skigiparangna cholko on•a man•a gita seat-rangko bariatchinaba didiataha.
Una agreba, 2022 bilsio Nongstoin College-o je lecturer-ni post-na advertisement-ko on•ahachim, indake, ia post-na 2023 bilsion interview-ko ra•manahaoba, uni result-ko da•alonaba parakatkujaenga. Indake jamanchakbee result-rangko on•aniara, college-ko chalaianio mongsongbate chatro chatrirangna neng•nikaniko ra•baa. Uni gimin, result-rangko man•a dipet ta•rake parakatenba, skigiparangko kamo rakkichina ineba ua janapataha.
Na·simang ia video-koba nina man·gen:
Na·simang iakoba poraina man·gen: Bethany Hospital-o ICSI aro Frozen Embryo Transfer-chi bi•sa ba•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
