Ampati, Apr 5: Meghalaya Bharat Scouts & Guides South West Garo Hills Ampati-ni mini jamboree-ko re•anggipa April 2 tarikoni April-ni 5 tarik Sukrobar salona Boldamgre Deficit Secondary Skulo salbrina ong•atangaha. Ia mini jumborie-o South West Garo Hills-ni Scout Guide-rang sak 200-mangna baten bak ra•angaha.
Jamborie-ni gittamgipa salo International border-ona ja•achi re•angaha, aro uano dingtang dingtang kamrangni bidingoba skie on•an baksana biap-a•damrangko nie bi•sarang skie ra•tokaha.
Ia jamboree-o nambatsranggipa skulrangna boksisrangko on•angjolaha aro Burin Nuchong Secondary skul skanggipa boksisko, Rangsakona Deficit Higher Secondary School gnigipa boksisko, St. Dominic Savio Higher Secondary School Ampati gittamgipa boksisko aro Ampati Mothers Union skul consolation boksisko man•angskaaha.
Ia Jamborie camp-ko ong•atani miksonganiara chadamberangna scout guide-ni bidingo u•iatna, jatsa jatgipinni bidingo u•igrikna aro pilak jatrang baksa nangrime ripeng ong•aniko skie on•anian ong•a.
Ia program-o mongsonggipa skigiparangara South West Garo Hills Scouts & Guides-ni dilgiparang, chong•motan Pular D Shira DOC, District Training Commissioner Debarson A Sangma aro DOC (Guide) Prediline A Sangma ong•a.
Na·simang ia video-koba nina man·gen:
Na·simang iakoba poraina man·gen: National Moot Court Competition-ko USTM-o a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
