Guwahati, Feb 4: Guwahati-ni Panjabari-o, bilsi 13 ong·kuenggipa me·chik bi·sako Divan Box ba palango bostu sike donchakani bakos-o chipe donako jokataha.
Ia a·sel Panjabari-ni Juripur-o donggipa Amrin Akhtar Laskar minggipa me·chikma saksani nok House No. 69-o ong·aha.
Indake ua jolo donggipa manderangni badi ka·aniko man·soa ja·man magistrate-ni dongpaanio District Labour Task Force-ni naljokatgipa dolrang ua nokona re·ange am·sandianiko dakangaha. Iani gisepon, ia nokni nokgipa uni nokoniko am·sandina on·jaha aro salbrina skangan uni ning·o kam ka·gipa me·chik bi·sako pagipa rimangaha ine tol·aha, indake ong·genchimoba nok ning·aniko am·sandina naljokatgipa dolrang mol·mole am·sandiani ja·man ia bi·sako bakos ning·ao chipe donenganiko nikna man·aha ine officialrang aganaha. Ia me·chik bi·sa namen bilgribeahani gimin uko ra·ongkate chiko on·aha uni ja·man ua mikselahaon una ong·gimin obostarangko grape aganaha ineba uamang janapataha.
Officialrangni parakatani gitade, ia me·chik bi·sara ua noko bilsi dok mangna kam ka·e on·paenggipa ong·achim aro uni dangdike on·ani bilsirangoba uko nokni nokgipa doke sate roaha ineba u·ina man·aha.
Indake, ia bi·sako naljokataha aro dos dakgipa mandeni kosako niamo pangchake ja·kuko de·anggen.
Na·simang iakoba nina man·gen:
Na·simang iakoba poraina man·gen: M’laya HC Harijan Colony-ko apjitatani bidingo somoi ra•doa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
