Itanagar, Feb 4: Arunachal Pradesh Congress Committee (APCC), kam matchote nokona re·bapilmiting somoio Mayudia-o matcha chadrapako man·e sianggipa Namsai a·jani Manfaiseng songoni Head Constable Chikseng Manpang sagina kal·impaanika parakataha.
APCC-ni President Bosiram Siram, State Wildlife Department aro BJP-chi dilenggipa Arunachal Pradesh sorkariko nigalani aro manderangna naljokaniko on·a man·gijanina matnangatengon, ian rang·gitik a·sel ong·a ong·ja indiba tarisamsoanirang aro naljokatanirang chu·ongjani a·selsa ong·aha ine ua u·iatangaha.
Mayudia-Anini rama jolrango jasana skangan matcharangni jakgitele re·rurae dongani koborrangko man·genchimoba, authority-rang Mayudia Wildlife Sanctuary-ni ning·o ga·akgipa biaprangoba maming ja·ku de·anirangko dakjaha ine Siram u·iatangaha. Police personnel “Sarkar Aapke Dwar” program-o dongpae re·bapilmitingo ia obosta ong·aniara namen rasong gribeani ong·aha ine aganengon, uamang maming official gari ba naljokani grian ia kenbegnigipa buringni ramarangko re·bana nangenga ineba ua janapataha.
Iani gisepon, ua a·dok sorkariko maming naljokani gro chong·motan salanti re·rurae niani, mikrakatani ba naljokani niamrang grian Mayudia-o tourism-ko ra·doanina matnangatengon, iarangko dakna amgijaninara sawa daitoko ra·skagen ine ua sing·doanikoba dakataha.
APCC, buringo donggipa janggi gnanggipa matburingrangko naljoke rakkianiara mandeni janggina kengniko ra·bana nangja ine u·iatengon, mikkangchi iandakgipa a·selrangko champengatna gita ua police dolrang aro wildlife official-rangni salanti re·rurae nianiko dakna nangchongmotani gimin aganangaha. Manderangni janggi gimaa jamansa ja·ku de·anirangko dakani giminba APCC dol a·dok sorkariko matnangataha.
Indake ong·engon, APCC dol Mayudia jolo kenchakna nanggipa biaprango naljokaniko on·a ja·ku de·anirangko dakan baksana simsakgijagipa official-rangni kosako ja·ku de·ani, tangka paisani gita dakchakani aro sianggipa nokdangni saksa mandena sorkarini kamko on·china, kenchakna nangbatgipa jolrango nirokjringaniko dakgipa dolrangko donkamchina aro Arunachal Pradesh-o batroroenggipa mande aro matburingrangni gisepo nanggrikani che·em che·em report-rangko on·china dabiataha.
Bosiram Siram, a·dok sorkariko a·sel ong·a jaman ku·rachakaniko on·ana bate daitoko ra·chakchina aro manderangni janggirangko naljoke rakkichinaba u·iataha.
Na·simang iakoba nina man·gen:
Na·simang iakoba poraina man·gen: Bilsi 13-ni me·chik bi·sako Divan Box ning·oniko Panjabari-o jokata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
