Imphal, Dec 20: Sombar attamo, bilsi 32 ong•gipa mande saksako, Manipur-ni Jiribam a•jani Leingangpokpi jolo donggipa Police Commando Outpost-o, Manipur Rifles (MR)-ni sipai saksa an•tangni ra•bitenggipa AK 47 rifle-chi uko niamgri goaha.
Ia a•sel ong•ani koborko parakatani bakan, gisiko ding•chaoenggipa adita manderang, Thoubal a•jani Yairipok Bamon Leikai-ona re•ange, dosi gnanggipa sipaini nokko nosto ka•na a•bachengaha.
Indake, ia sipaini bimung, Loitam Arunta Singh ong•achim aro ua 5 MR-ni rifleman ong•an baksana Police Commando Unit-o chapata man•gipa ong•achim ine Police dolni parakataha.
Iani gisepon, ia mandeko mai mangsonganio so•otahachim, uko u•ikujaoba, Charangpat Bengi Mamang Leikai-oni Oinam Gandhi Singh, Jiribam-oni Imphal-ona Sombar salo jitangnasiengachim, indiba ua maibakai uni re•anggnigipa gariko sraprikjahachim. Uni jamano, ua an•tang mahariko grongna gita sipairangni dongchakram biapona re•angaha ine kobor ra•timgiparangoniko u•ina gita man•aha.
Indake, Gandhi-ni manggisiko porikka ra•e nina gita, Jiribam a•jani hospitalona watataha.
Jiribam Police Station-ni Personnel, Arunta-ko rim•aha aro uni kamo jakalna on•gimin silchidare-ko ra•angaha. Indake, uko niam gita sastiko on•a inenba, uni kosako mokordoma-koba segataha.
Iani gisepon, Charangpat jolo ding•chaoe dongenggipa manderang, Joint Action Committee (JAC)-ko a•bachengataha aro dosi gnanggipa sipaiko kamoniko ra•galchina aro niam gita sastiko on•china aro sianggipa mandeni nokdangna tangka gong 20 lakh-ko on•an baksa sianggipani mahari ba chatchirangoni saksana sorkarini kamko on•china ine dabienba, Skotong Minister, N. Biren Singh-na memorandum-ko on•angaha.
Indake ia dabianirangko sorkari chu•sokatkuja dipet, Gandhi-ni manggisiko uamang ra•ejawa ine, ia dolni manderang mikrakatanikoba on•ataha.
Iakoba poraie nina man·gen: Dolgnini gisepo nanggrikanina, Churachandpur-o section 144-ko ra•gata
Watch
