Guwahati, July 7: Union Minister of Ports, Shipping and Waterways, Sarbananda Sonowal, batanggimin bilsi 11-ni gisepo Prime Minister Narendra Modi-ni dilanichi India-o nambata dingtangroroanirangni gimin, Sombar salo, Guwahati-ni Hotel Taj Vivanta-o kobor ra·timgiparangna parakataha.
“Re·baenggipa bilsi Bongani gisepo a·gilsak gimiko India-ko gittamgipa dal·batgipa economy ong·atanian chingni miksongani ong·a. Iako chu·sokatna chinga chingni niksamsoanirangko bebeona ra·bana nanggen,” ine Sonowal aganaha.
Dingtang dingtang ministry-rangni gita sorkarini kamrangko namedake ka·e mesokanichi PM Modi-ni sorkariko chalaianirangna manderangni gisepo ka·donganirangko nikbatna man·e, a·songko mikgaoataha aro a·gilsako an·chingni biapko bil gnangbatataha ine ua aganataha.
BJP-ni bilo ong·aoni dipet India-ni chibimarango ring aro jahasrangko watani nambatani aro cruise tourism-ko dakani namdapatani gimin janape, “Bilsi 28-ni gisepo, UPAni sorkarini ning·o chi ramarangko namdapatna kror 16 tangkarangkosan jakkalaiaha. Modi sorkaride bilsi 10-ni gisepo kror lak 1 korosrangko ka·aha,” ine ua aganaha.
UPA-ni somoio chi rama bosturangko ra·ruraani million 18 metric tonnerang ong·aoni NDA-ni somoio million 145 metric tonne-rangona tang·doaha. Maritime India Vision 2030-ni ning·o million 2000 metric tonne-rangon tang·doatna miksongenga ine Sonowal janapaha.
Jahasrang aro ring-rango gadoe tourismko dakani bidingo nambatanirangkoba ua janape, UPA-ni ning·o chi-rama damgittamkosan chalaiachim, indiba da·o dam 25-na baten chi ramarangko jakkalenga ine aganaha.
Batanggimin bilsi 10-ni gisepo sagal rikam aro sagalrango jahasrango gadona re·bagiparang bilsiprako sak 85,000-oni lak 5-ona tang·doaha. Uandaken, ia tang·doanirang jahasrangko chalaianio ta·rake namdapanirang aro dingtanganirangko mesoka ine Sonowal aganaha. Una agreba, India-ni chibimarang, mongsongbate Ganga aro Brahmaputra, bading-chiwalani, tourism aro janggi tangani cholrangko on·anio mongsonggipa chi ramarang ong·aha ine ua aganaha.
“Chi ram agita bosturangko watrururaani aro gipin a·songrangni manderangni re·bae jahas-o gadoe tourism-rangko dakaoni, pilak dolrangan nambata gadangona tang·doataniko nikna man·aha. Ian niksamsoe dilanichi aro krenge kam ka·anichi chu·sokna man·aha,” ine ua bon·kame aganaha.
Na·simang ia video-koba nina man·gen:
Na·simang iakoba poraina man·gen: Sikkim-o ‘7 Minutes to Earth’-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
