Dibrugarh, Jan 7: Raijor Dal-ni President ong·enggipa aro Sivasagar-ni MLA Akhil Gogoi, Bharatiya Janata Party (BJP)-na chakpaaniko on·pagijagipa vote-rangko Assam-ni Electoral Roll-oniko kimitgalenga ine Mongolbar salo matnangataha.
Assembly Constituency ge·antioniko sak 10,000 batpile vote-rangni bimungko State BJP President Dillip Saikia-ni ge·etaniko man·e Electoral Roll-oniko kimitgalenga aro iano pilak booth-level officer-rangba jak dongpaa ine Gogoi press conference-ko ong·atani somoio matnangataha.
Ia kamko ka·na inenba uamang January 4 tariko tom·e chanchirimaha, jeon Electoral Roll-ni Special Investigation Revision (SIR)-ko ra·gatna chanchirimanikoba dakangaha ineba ua janapataha.
Uasan ong·aigija ia vote-rangni bimungrangko kimitgalenganiko Minister Ashok Singhal nirokenga jeon BLO-rangba jak on·e dakchakpaenga ineba ua janapataha.
Iandake bimung ra·galaniko dakgenchimode sak lakh-na baten Electoral Roll-oniko kimitgalgen aro ian jakgitele an·tangni bilko jakkalna man·enganiko champenganiba ong·enga ineba Gogoi aganaha.
Ia namgija mikkang nitegipa aro niamgri ka·enggipa kamko bon·atna man·a dipet nirokatchina Skotong Minister Himanta Biswa Sarma-koba ua dabiataha.
Ia apsan press conference-ko ong·atanion, 2026 bilsini Assembly Election-o, Mariani Assembly Constituency-o BJP MLA Rupjyoti Kurmi-ni kosako Raijor Dal-an chegen ine aganan baksa, Raijor Dal-ni dilgipako chadrapaniko jegalataha aro iano jak donggipa manderangko ta·rake rim·china aro sastiko on·chinaba Gogoi dabiangaha.
Na·simang iakoba nina man·gen:
Na·simang iakoba poraina man·gen: Ong·telaigipa samtangtangko nisijachina RBTEDF manderangko mikrakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
