Imphal, Nov 1: Mongolbar walo, saksa a•gipi police officer Chongtham Anand-ko bobil dake chakatgipa dolrangoni sniper-chi goe so•otani jamano Manipur a•dokni skotong songjinma Imphal-oni 115 km-mang chelao India aro Myanmar sima arini gisepo donggipa Moreh songjinmaona, Manipur Police, Commando-rangko watatskaaha.
Police Commando-rang aro Assam Rifles-ni army-rangko, Imphal-oni Moreh-ona re•angengmitingo damgni a•briagipa biaprango chadrapaha.
Kobor-ko man•soanigita, ia bobil dake chakatgipa dolrangni chadrapanio sakgittam police commando-rang saknaako man•aha.
Indake, salsani gisepo changgnina kingking chadrapani jamano, police commando-rang sima arini gisepo donggipa songjinma Moreh-ona waljatchini gisepo, bobil dolrangko am•sandina gita re•angaha.
Iani gisepon, songsalo chelchakna bikotgipa Kuki dolrang, police commando-rangni kragija an•tangtangni bilko jakalani a•selo ia chadrapanio songoni volunteer-rang baksa gogrikaha ine matnange aganaha.
Indake, ‘Wolrd Kuki-Zo Intellectual Council'(WKZIC) dolni kosako, October 24 tariko Kuki-Zo jat-ni volunteer -rang silchidare-rangko ra•ahanina, Manipur sorkarini gita FIR ka•skaaha.
Iakoba poraie nina man·gen: A•songni PM Narendra Modi Sardar Vallabhbhai Patel-ni atchiani salo uko mande ra•aniko daka
Watch
