28.2 C
Tura
spot_img

Antignini gisepon M’laya-o 108 service-ko gital company jako ra•gnok

Must read

Shillong, Nov 1: Antignini gisepon Meghalaya a•doko, 108 emergency service-ko gital company jako ra•e chalaignok ine Budbar salo, a•dokni Health Minister Ampareen Lyngdoh parakataha.

Advertisement

Lyngdoh-ni kobor ra•timgiparangna parakatani gitade, Meghalaya a•dokni 108 emergency service-ko chalaina dakkianio gimik dol 7 company-rang bak ra•aha aro antignini gisepon seokako man•gipa gital company, 108 emergency service-ko jako ra•gnok.

Mongolbar salo uni 108 service-o kam ka•gipa manderangko gronge agangrikani bidingo janapatskaengon, ia tom•anio ua 108 service-o kam ka•enggiparangni bilko naljoke rakkiangkunasa ku•rachakaniko on•angaha ine Health Minister parakataha.

Advertisement

Lyngdoh-ni parakatani gitade, 108 service-o kam ka•enggiparangna chu•gimik miksonganirangkoba technical bid-ni bak gita, dakkianio bak ra•gipa company ge•antinan sorkari u•iataniko on•aha.

Iani bidingo talataniko on•angengon, 108 service-o kam ka•giparangna insurance, ex-gratia, health coverage, accident insurance aro uandakgipa man•gnirangko, 108 service-ko chalaina dakkigipa company-rang ku•chakmanaha ine Health Minister parakataha.

Iakoba poraie nina man·gen: A•songni PM Narendra Modi Sardar Vallabhbhai Patel-ni atchiani salo uko mande ra•aniko daka

Watch

spot_img

More articles

spot_img
-->

Latest article