Boko, July 19: Assam-ni Boko jolni damgni songrango goera godapanichi sakgni manderang sia aro sakgittam manderang mata-buanirangko man·aha.
Sianggipa manderang Boko jolni ning·o donggipa Dilinga songni bilsi 25 ong·gipa Nilkamal Das aro Pukhuripara songni bilsi 40 ong·gipa Kamal Boro ong·a. Mata-buako man·giparangara Dilinga songoni bilsi 60 ong·gipa Govind Das, Pukhuripara songoni bilsi 15 ong·gipa Rimpi Boro aro Narengapara songoni bilsi 24 ong·gipa Mamata Basumatary ong·a. Ia obosta uamangni mi a·palrango kam ka·miting somoio ong·aha.
Ia obosta Boko-ni manderangna dukniko ra·baaha. Uandake, saknaako man·gipa manderangko Boko Primary Health Centre-ona rimangaha indiba doctorrang Nilkamal Das aro Kamal Boro-ko siaha ine parakataha. Mata-buako man·giparangko Boko Primary Health Centre-o donaha indiba nambata sanna-bananiko dakna ine Govind Das-ko Guwahati Medical College-ona rimangaha. Rimpi Boro aro Mamata Basumatary-ko da·o Boko Primary Health centre-o sannenga.
Obostao ga·akgipa manderangni nokni manderangni sorkari pilak dakchakani cholrangko on·gen ine Assam State Disaster Management Authority-ni field officer, Pritam Kalita ku·chake on·aha.
Na·simang iakoba nina man·gen:
Na·simang iakoba poraina man·gen: Sarma aro Mamata-ni gisepo jat, a·dokona napsrukbaani aro ku·aganani bidingo nanggrika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
