Boko, Feb 24: Boko-o donggipa bang·a jinma roram biaprango Illegal Foreign Liquor (IMFL) ba gipin biaponiko ra·bagipa churangko paraken palenganina bang·a manderangan jajrenganiko parakataha aro uamang iani bidingo mamingba ja·ku de·aniko dakgijanina Assam State Excise Department-ko matnangataha.
Boko Hospital, bading chiwalram biaprang, tourist restaurant-rang aro gipin jinma roram biap sambarango niamgri chu palgipa dokkanrangko chalaienga ine jolo songdonggipa manderang u·iataha. Iani gisepon, mamingba ja·ku de·aniko dakjani gimin manderang waltingona churang ringe, dakgrikerang, mongsongbate hospital sambarango so·so jengjeng ong·ataniko ra·baenga jeni a·selan sagiparang nangchakeako man·skaenga ineba songni manderang u·iataha.
Meghalaya, West Bengal aro Assam-ni badiaba badiaba biaprangoni re·bae cha·na aro neng·takna dongdiprongenggipa biap Rajapara-oniba ia apsandake badi ka·anirang sokbaenga.
Excise official-rang simsakgijagipa ong·an baksana haida uamangba iano bak dongpaenggiparang ong·naba donga ine Bhalukghata, Chamaria, Bamunigaon aro Boko-Chaygaon jolni manderang u·iataha.
Jolo songdonggipa tribal manderangni jatni bewalo chu tarianiko champengatengon, niamgri ra·baenggipa churangko a·dokni a·paloniko ra·bae, bang·bata man·gnirangna dam rake palskaenga ine songni manderang aganangaha.
Excise official-rang, niamgri chu palenggiparangko chipatani pal, tribal manderangni songdonggipa biaprangona re·ange neng·nikanirangko ra·baskaenga ine jolo songdonggipa saksa u·iataha. Niamgri chu palani a·selan walni somoio bang·a rang·gitik a·sel ong·anirang baksana biaprang jekai Bhalukghata aro rongtalgipa Satras donggipa Chamaria jolrangode janggirang gimaatakoba man·aha.
Iandakgipa neng·nikanirang batroroaniara, Assam sorkario sing·doaniko nakatatengon, tom·tomaniko ra·bapilan baksana niam retirangko rakkina aro jinmani naljokanina ta·rake ja·ku de·aniko dakchina dabiataha.
Na·simang iakoba nina man·gen:
Na·simang iakoba poraina man·gen: EJH-o heroin-ko man·a, sakgni manderangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
