Assam, Feb 29: Assam-ni United Opposition Forum bristibar salo da•o Citizenship Amendment Act ba CAA ko ra•gatani kattako knasamsoe namnikgijaniko mesokna India-ni President Droupadi Murmu-na memorandum ba janapani lekkako sedoataha.
Uamang Assam-ni Governor Gulab Chand Kataria ko grongenba a•doko ia niamko ra•gatjachina bini gita India-ni President Droupadi Murmu-na memorandum ba janapani lekka see watataha.
Budbar salo Assam-ni ge 16 opposition dolrang ia Citizenship Amendment Act ba CAA-ko ra•gatna sienga ine kobor ko man•soe iako jegalsona gita nangchongmotgipa tom•aniko ong•atangaha.
Assam-ni ge 16 opposition dolrang baksana gipin dong•pagipa dolrangara Congress, All Trinamool Congress, Aam aadmi party, Raijor dal, Assam Jatiya Parishad (AJP) rang ong•a.
Ia Citizenship Amendment Act 2019- ko parliament-o nakatchengaonin party-ni dilgiparang aro Assam a•doko songdong a•chagipa manderang iako namnikgija jegalaniko dakbaeng•achim ine opposition dolni kobor ra•timgiparangna aganangaha. Indiba da•o sorkariko rikenggipa BJP dolrang Parliament-ni nok gegnion uamangni bil batani a•selo ra•songgribee a•dokni manderangni ku•rangko knachakgija ia bill ba niam ko ra•gataha.
Da•o re•baenggipa Lok Sabha election-na skangan Assam a•doko ia CAA-ko ra•gatgnok ine Union Home Minister banggija salrangna skangan parakataha ine opposition dolni agandapangkuaha. Ia niam ba ain ko ra•gataniara niamni gitaba ong•ja aro iako ra•gatanichi Historic Assam Accord 1985, ba uamangni ma•ambi, dakbewal rikbewal, jatsa jatgipin baksa ku•mong meli nangrimani, a•dokni namroro silroroani aro Assamese manderangko ma•eke u•ianirang bon•ataona sokaignok.
Na·simang ia video-koba nina man·gen:
Na·simang iakoba poraie nina man·gen: Shillong-ni Maxwelton Estate-o Non-Tribal-rangko songdongna on•jawa: KSU
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
