Meghalaya Delegation of Financial Powers Rule 2006-ni Schedule IV ning•o DGP, IGP, DIGP aro SP-rangna on•gipa financial power-rangko bariatna bi•anikoba Cabinet ra•chakaha ine Lyngdoh parakataha.

Gipinchiniko ra·napbagipa na·tokrangko sal 15-rangna sorkarini champengatani ja·man, Meghalaya-ni a·palchiniko trak garirango salbagipa rohu aro gipin na·tokrangko Mongolbaro, Shillong, Barabazar-o porikka ka·e nianiko dakenba uni sample-rangko chimonge ra·aha.

FSSAI-ni Asst. commissioner Pa T Ch. Marak baksana food safety department-ni officer saksa aro sakbonga staff-rang, pring 10 bajioni a·bachenge Garo Hills-oni bading-chiwalgiparangko biming segatangaha.

1974 bilsio on•gipa Office Memorandum-ko taridapani gimin talatangengon, Garo category-na kanggimin kamrangko da•o Meghalaya a•dokni Garo candidate-rangsa gapataignok maina skangode ia Office Memorandum-ni gita gipin a•dokrangni Garorangkoba ia kamrango gapatna on•aiachim ine Chief Minister parakataha.

A·palchiniko ra·napbagipa na·tokko a·doko palaniko champengatengani gimin a·dokni skotong minister Pa Conrad K Sangma, Sombar salo an·tangni suk ong·chakgijaniko parakangenba, pilak naljokani gnanggipa cha·aniko on·ani bidingo administration-ni ja·kurangko de·atenganiara a·dokni manderangni namgnina aro an·seng-baljokaninan ong·a ine manderangni ma·sichakgnini gimin ua an·tangni ka·dongenganiko parakangaha.

A•gilsakni gipin biaprango gitan International Day Against Drug Abuse & Illicit Trafficking-ko Sombar salo, West Garo Hills District Administration, Social Welfare department aro Addiction Treatment Facility nangrimenba, Tura-ni District Auditorium-o maniangaha.

Manderangna nanga gita nirok sandianirangko aro dakchakanirangko on·na man·na gitasa sorkarini program-rangko tarienga ine talataniko on·angengon, iani giminsa sorkari, pekatgipa samrangonikosan chel·chakaigija chadamberangni an·seng baljokanina kamko ka·na gita dingtangmancha dolko songaha ine Chief Minister parakataha.

Ia bike rally-ko 2nd MLP Battalion-ni Commandant BA Sangma-ni dilanichi, battalion-ni sipairang jinma apsan ku·mikchetaniko dakani ja·man pring 11:30 bajioni a·bachengataha.

Ja·pangoni koborko on·atani gitade, songni mitam manderangko Dawki -china re·angengmitingo rama tong·sao BSF sipairang adita neng·nikataniko on·ahachim, iani a·sel adita kontamang ja·mano ua joloni bang·gija manderang BSF rangni dongenggipa biapona tom·batokaha.

Pekatgipa samrangko jakkalani aro niam gri badingani namgijaniko talate on·na gita a·gilsak gimikon International Day Against Drug Abuse & Illicit Trafficking-ko manienga ine talataniko on·angengon, West Garo Hills a·jao ‘No Honking Day’-ko manianichi tom·tomgipa songsalko ong·atchina manderangko didienga ine Deputy Commissioner parakataha.