Committee-ni chairman Mayralborn Syiem-ni dilanichi Meghalaya Legislative Assembly-ni Estimate Committee, Sombar salo, New Delhi-o maikai sorkari skulrangko chalaienga, uko nie ra•eaha.

Uni manggisiko Mongolbar pringo police-rang man·pilaha ineba kobor on·aha.

Mission LIFE-ni ning·o chatro chatrirang, dingtang dingtang gittimni manderang aro sorkari department-rangni bakrimanichi pang lak 5 bol chararangko Meghalaya a·dokni dingtang dingtang biaprango ge·engachim ine nikna man·a.

Plastic-ko jakkalanichi namgija balwako ong·atenganio, minggipin cholrangchi a·dok-chigana namgniko ra·baskaani ba “Solution to plastic pollution” ine pangchakaniko donenba, West Garo Hills a·jani CEB Tura baksa nangrime, Tura-ni Forest & Environment Social Forestry Division, Sombar salo Dalu-ni Sacred Heart Higher Secondary School-o World Environment Day-ko maniangaha aro ia salko manianio ua joloni Bengali Secondary school aro Govt. Higher Secondary school-rangba bakko ra·angaha.

Reservation policy aro roster system-ni bidingo Voice of the People’s Party (VPP), politics kal•na jotton ka•asan ong•aigija a•doko songdongenggipa dingtang dingtang jatrangni gisepo ding•chaogrikaniko ra•bana jotton ka•aha ine Sombar salo, Meghalaya a•dokni Cabinet Minister aro West Shillong-ni UDP MLA Paul Lyngdoh matnangataha.

Politics-o Khasirangna bate Garorangan gisikni gita brebata ine Sombar salo, Meghalaya a•dokni Cabinet Minister aro sorkarini ku•wattimgipa Paul Lyngdoh parakataha.

West Garo Hills a•jani Gambegre Block ning•o donggipa Chenggapara songoba Sombar salo, World Environment Day-ko maniangaha aro ia salko manianio Chenggapara skulni chatro chatrirang, skigiparang aro songni nokni manderangba bakko ra•angtokaha.

A·songna chelchake janggitangko on·kanggipa India a·song gimikoni sipairangko Sombar salo, Meghalaya-ni skotong minister Pa Conrad K Sangma, New Delhi-ni Chanakyapuri-o donggipa National Police Memorial-o mande ra·aniko dakangaha.

Odisha a·doko mija Sukrobar walo bolgittam rel garirang changsano a·sel ong·dimanichi komibeoba sak 288 manderangni janggi gimana gita nangaha aro hajal 1000 manderangna baten Balasore-ni Bahanaga Bazaar railway station-o ia dal·begipa obostako chagronge bilongbee jokkom ong·tokaha ine koborna parakataha.

Ia tom·anio JSM-ni dilgiparangko uamangni president Leningrad Rymbai dilbaaha aro KSA-ni dilgiparangko uamangni president Jemson Timung dilangskaaha